web counter
LEXO PA REKLAMA!

SHKARKO APP

App Store
Google Play

Basha nuk tërhiqet nga zgjedhjet e parakohshme/ OSBE të ndihmojë dialogun politik

25 Tetor 2019, 10:09, Politikë CNA

Kryetari i Partisë Demokratike, Lulzim Basha në një prononcim për mediat pas takimit me Sekretarin e Përgjithshëm të OSBE-së, është shprehur sot se opozita është e vendosur për një reformë Zgjedhore tërësore.

Basha tha se PD ka vënë në dispozicion për këtë ekspertët më të mirë, por sikurse e theksoi ai kjo kërkon edhe vullnet politik.

?Opozita është e vendosur për një reformë tërësore zgjehdore. Për këtë kemi vënë në dispozicion ekspertët më të mirë. Por, kjo do vullnet politik, dhe ju e dini se pala tjetër shkatërroi zgjedhjet?.-tha Basha.

Po ashtu ai tha se ?Kemi diskutuar për ndihmën që mund të japë OSBE në tre fusha. Rolin që ka OSBE për ti kujtuar vendeve anëtare për standartet demokratike dhe shtetin ligjor.

Për ofrimin e eksperttizës për të ndihmuar në këtë proces, si dhe rolin që OSBE mund të japë për të ndihmuar në dialogun politike, në mënyrë që të zgjidhet kriza politika?.

Gjithashtu Basha tha se PD nuk tërhiqet nga kushti për zgjedhje të parakohshme parlamentare.

?Ne kërkojmë miratimin e Reformës dhe zgjedhje të parakohshme parlamentare si dhe zgjedhje kushtetuese vendore së bashku?-tha Basha./ CNA.al





Lajmet e fundit nga