E fundit!

08:13 Kosova & Bota

Britania planifikon kufizime gjatë natës në rrjetet sociale për adoleshentët

Qeveria britanike ka njoftuar plane për të vendosur kufizi...

Reforma Zgjedhore/ Hajdari mesazh opozitës jashtë parlamentare: Të mos hedhim akuza për njëri tjetrin

24 Tetor 2019, 11:31, Politikë CNA

Bashkëkryetarja e Komisionit të Reformës Zgjedhore, Rudina Hajdari ka treguar çështjet e rëndësishme që u diskutuan sot në mbledhjen e Komisionit.
Sipas saj dy pikat më të rëndësishme ishin konfigurimi i grupeve të punës si dhe e drejta e emigrantëve për të votuar jashtë vendit.

Hajdari bëri me dije se Komisoni i Reformës Zgjedhore do të marrë parasysh edhe propozimet e opozitës jashtë parlamentare edhe pse ata nuk ishin prezent në mbledhje. Ajo i bëri thirrje opozitës jashtë parlamentare të mos hedhin akuza mbi Komisionin Zgjedhor.

?Në mbledhjen e Komisionit ne diskutuam dy gjëra, e para konfiguruam grupet e punës që i përkasin sistemit zgjedhor por dhe të drejtën e emigrantëve për të votuar jashtë vendit. Në këtë mbledhje ishin edhe ekspertë të cilët draftuan edhe rekomandimet e OSBE. Ky ishte një draft paraprak për të na prezantuar ne se çfarë rekomandojnë ekspertët.
Opozita e re kërkon depolitizimin e administratës zgjedhore. Iu kujtoj se ky draft prek pjesërisht disa nga gjerat sipërfaqësore të kodit zgjedhor, nxit barazinë gjinore, merret me financimin e fushatave, merret me fondin e buxhetit të shtetit por edhe me zëvendësimin e vakancave zgjedhore.

Theksoj se ne jemi pro një reformimi zgjedhor që është tërësor gjithëpërfshirës, do kishim dashur të kishim më shumë të pranishëm por siç e patë opozita jashtë parlamentit vendosi të bëjë një mbledhje tjetër paralele e cila u mundua të jepte propozimet e saj dhe ne do u marrim parasysh. Akuzat që opozita hedh mbi komisionin e reformës zgjedhore nuk është produktive, nuk mund të quhet ilegjitim.

Të jemi të hapur kur flasim për Komision të Reformës Zgjedhore. Është në të drejtën e tij kushtetuese të veprojë. Do ishte mirë të mos hedhim akuza për njëri tjetrit. Edhe pse ata s? duan të jenë prezent fizikisht, ne do i marrim parasysh ?, u shpreh Hajdari./CNA.al