web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja për Reformën Zgjedhore/ Bardhi: U përmbyllën dy çështje kryesore, propozuam mekanizëm për bashkëpunim me palën tjetër

24 Tetor 2019, 09:25, Politikë CNA

Ka përfunduar mbledhja e ekspertëve dhe përfaqësuesve të të gjitha forcave opozitare jashtëparlamentare për reformën zgjedhore.

Sekretari i Përgjithshëm i PD, Gazmend Bardhi ka bërë me dije se është propozuar një mekanizëm për të dhënë një produkt të përbashkët me palën tjetër.

Bardhi u shpreh se sot kanë përmbyllur dy çështje kryesore të Reformës Zgjdhore që lidhen me financimin e fushatave dhe çështje që lidhen me administrimin e procesit zgjedhor.

?Mbledhja e grupi të punës të ekspertëve të opozitës është tregues i qartë i angazhmit të opozitës së bashkuar në reformën zgjedhore. Ashtu siç e kemi bërë të ditur, opozita mori angazhimin për të dhënë kontributin e vetë të sinqertë. Kemi udhëzuar një mekanizëm për të dhënë një produkt të përbashkët edhe me palën tjetër.

Reforma Zgjedhore nuk mund të jetë çështje e parlamentit të Shqipërisë. Partitë politike duhet të përcaktojnë rregullat e lojës për pjesëmmarjen në zgjedhje.

Produkti i sotëm i opozitës është dakordësuar me konsensus të plotë të gjitha partive të koalicionit. Mbledhja e ardhshme e këtij grupi të punës do të jetë të hënën . Është përcaktuar një axhendë pune. Sot kemi përmbyllur dy çështje kryesore të Reformës Zgjedhore që lidhen me financimin e fushatave dhe çështje që lidhen me administrimin e procesit zgjedhor. Ne kemi propozuar një mekanizëm për të bashkëpunuar me palën tjetër?, u shpreh Bardhi nga selia e PD.





Lajmet e fundit nga