web counter
LEXO PA REKLAMA!

SHKARKO APP

App Store
Google Play

Korab Lita nuk tërhiqet/ Kryetar grupi jam unë, apel të fortë Ruçit  

24 Tetor 2019, 07:29, Politikë CNA

Deputeti i opozitës parlamentare, Korab Lita vijon të pretendojë se është ai kryetar i grupit parlamentar demokrat.

Lita ka dalë sot në një deklaratë për mediat, ku i ka drejtuar një apel të fortë kryeparlamentarit Ruçi, që sipas tij të mos fusë hundët në punët e këtij grupi për të mbajtur Rudina Hajdarin drejtuese.

Ai tha se do të vendosin deputetët e këtij grupi për 5 emrat e rinj që kanë shprehur dëshirën për t’u bashkuar me grupin Demokrat.

“Bazuar në njoftimet në media dhe informacionet nga Kuvendi, disa deputetë kanë shprehur dëshirën të na bashkohen, jam në pritje të shkresave të tyre. Shpreh mirënjohjen deputetëve që duan të na bashkohen. Grupi jonë ka pasur edhe raste pranimi edhe raste si ai i Andi Përmetit, që është rrëzuar kërkesa për pranimin e tij në grupin parlamentar.

Asnjë deputet nuk mund ti bashkohet grupit, se do Gramoz Ruçi të mbajë Rudina Hajdarin në krye të grupit, i bëjmë thirrje të mos fusë hundët, atë nuk e vendos ai, por rregullorja jonë dhe deputetë. Grupi dhe unë si kryetar i shprehim mbështetjen për Rudina Hajdarin si bashkë-kryetare e reformës zgjedhore, pasi është kauza jonë kryesore. I tërheqim vëmendjen se aty është si përfaqësuese e opozitës parlamentare dhe jo përfaqësuese ‘ad hoc’ e Gramoz Ruçit” tha ai./ CNA.al





Lajmet e fundit nga