Basha “pranon gabimet”/ “Fajin e ka Rama”

24 Tetor 2019, 18:02, Politikë CNA

?Pavarësisht vërejtjeve, kritikave që mund të kenë ndaj PD-së, ndaj meje personalisht, një gjë nuk e thonë dot kurrë: Lulzim Basha nuk ka bërë dhe nuk do të bëjë kurrë kompromis me krimin në kurriz të interesave të shqiptarëve?, kështu është shprehur kreu i Partisë Demokratike, Lulzim Basha, ndërsa ka folur në lidhje me ndryshimin që ka ai si politikan nga kreu i qeverisë Rama.

Në një intervistë ekskluzive për Neës 24, Basha, pa hyrë në detaje, ka pranuar gabime të opozitës, mirëpo sipas tij ajo çka ndodhi me negociatat disa ditë më parë, si dhe vendimet jo të duhura të marra këto 6 vjet janë të gjitha dështime të Ramës.

?Edi Rama dështoi në secilin prej premtimeve me të cilat erdhi në pushtet, siç dështoi para një jave me Bashkimin Europian?

Këto 6 vite kanë qenë vitet me dështimet më të mëdha, me hapat më të mëdhenj pas, për shkak të qeverisjes së mbrapshtë dhe të korruptuar të Edi Ramës. Natyrisht, ajo që unë kam bërë, ajo që ne kemi bërë, nuk është garanci për atë që ne do të bëjmë. Megjithatë, Ia vlen të kthejmë në kujtesën, shpeshherë, të shkurtër të publikut, që kemi qenë ne që, me anë të reformave, me anë të vendimeve të drejta politike, bëmë të mundur dhënien fund te izolimit të vendit që i parapriu procesit tjetër me BE-në, ku u hoqën vizat për Shqipërinë.

Kemi bërë gabimet tona pa diskutim, si parti, edhe unë, por asnjë gabim nuk humbet, nëqoftëse kthehet mësim. Dhe në këtë kuadër jemi shumë më të përgatitur, shumë më të vendosur për të çuar përpara atë që, fatkeqësisht, ka mbetur në vendnumëro për gjashtë vite, rrugën e standardit europian, që nuk është një proces abstrakt lerash e reformash në letra.

Pavarësisht vërejtjeve, kritikave që mund të kenë ndaj PD-së, ndaj meje personalisht, një gjë nuk e thonë dot kurrë: Lulzim Basha nuk ka bërë dhe nuk do të bëjë kurrë kompromis me krimin në kurriz të interesave të shqiptarëve. Këtë garanci e kanë pasur, e kanë dhe do ta kenë, edhe kur Partisë Demokratike, opozitës së bashkuar t?i besohet drejtimi i vendit. Me këtë garanci dhe me garanci të tjera, me programin tonë, alternativën tone, për të cilën, siç e thashë, jemi të angazhuar të bashkëbisedojmë me qytetarët?

T?i kthehemi normalitetit. Të vijë me votë, të largohet me votë pa qenë as drame, as festë.?, ka thënë ndër të tjera Basha./CNA.al