web counter
LEXO PA REKLAMA!

SHKARKO APP

App Store
Google Play

Vrasja e 55 vjeçarit në Shkodër/ Autori, djali i xhaxhait të viktimës

22 Tetor 2019, 12:52, Kronika CNA

Detaje të reja kanë dale lidhur me vrasjen e 55-vjeçarit, Lazër Arraj në fshatin Shosh të Dukagjinit.

Mësohet se i arrestuar për vrasjen është djali i xhaxhait i 55 vjeçarit Marash Arraj.
55-vjeçari u gjet mesditën e djeshme i pajetë, ndërsa ndaj tij ishte qëlluar dy herë me armë zjarri.

Viktima jetonte në Shkodër, dhe po transportonte zahiretë e dimrit nga Shoshi në momentin kur është vrarë. Sakaq, të parët që kanë pikasur trupin e pajetë të 55-vjeçarit kanë qenë nipërit e tij, të cilët më pas kanë kërkuar ndihmë duke njoftuar policinë.
Deri më tani dy janë pistat ku po hetohet, ajo e ndonjë konflikti të çastit në lidhje me pronat e tij në Shosh ose ndonjë gjakmarrje e vjetër.

Njoftimi i policisë: 
Zbardhet dhe dokumentohet ngjarja e ndodhur dje, ku mbeti i vrarë me armë zjarri shtetasi L. A.
Arrestohet autori i dyshuar i kësaj ngjarjeje.
Nga strukturat e D. V. P. Shkodër nën drejtimin e Prokurorisë së Rrethit Gjyqësor Shkodër, falë një pune intensive hetimore dhe në bazë të informacioneve të marra në rrugë operative është bërë dokumentimi ligjor dhe arrestimi në flagrancë i autorit të dyshuar, shtetasit:
M. A., 26 vjeç, banues në fshatin Shtoj i Ri, Shkodër.
Arrestimi i tij u bë pasi dje më datë 21.10.2019 dyshohet se ka vrarë me armë zjarri shtetasin L. A., në fshatin Palaj, Njësia Administrative Shosh, Shkodër.
Kjo ngjarje dyshohet të ketë ndodhur për konflikte të mëparshme mes familjeve.
Materialet iu referuan Prokurorisë së Rrethit Gjyqësor Shkodër, për veprat penale ?Vrasja me paramendim? dhe ?Armëmbajtja pa leje?.





Lajmet e fundit nga