web counter
LEXO PA REKLAMA!

SHKARKO APP

App Store
Google Play

E fundit!

x

Bënin kërdinë me vjedhje/ Arrestohen 2 adoleshentë, në kërkim një tjetër

17 Tetor 2019, 13:43, Kronika CNA

Policia e Durrësit ka arrestuar du të rinj dhe ka shpallur në kërkim një tjetër për vjedhjen e disa banesave.
Në pranga janë vënë shtetasit me iniciale E.XH. 16 vjeç dhe J.P. 18 vjeç, banues në shën Vlash, ndërsa në kërkim është shpallur 17-vjeçari me iniciale A.A., banues në Durrës. Ata u kapën mbrëmjen e djeshme teksa po tentonin të kryenin një vjedhje.

Gjithashtu ata akuzohen edhe për vjedhjet e 6 banesave dhe lokaleve të tjera.

Njoftimi zyrtar:
Goditet një tjetër grup që ushtronte veprimtari kriminale në fushën e vjedhjes së pronës.
Finalizohet operacioni ?Prita?.
Operiacioni për parandalimin e vjedhjeve të banesave dhe lokaleve, si dhe për zbardhjen e vjedhjeve të ndodhura më parë.
Arrestohen në flagrancë në tenativë për të vjedhur një dyqan 2 shtetas, 1 shpallet në kërkim, ndërsa 1 procedohet në gjendje të lirë.
Zbardhen dhe një sërë vjedhjesh të ndodhura më parë.
Specialistët për Hetimin e Krimeve në Komisariatin e Policisë Durrës, në vijim të punës për parandalimin e vjedhjes së pronës, zbardhjen e vjedhjeve të ndodhura më parë, kapjen dhe vënien para drejtësisë të autorëve, në bashkëpunim me shërbimet e Policisë së Rendit kanë arrestuar në flagrancë shtetasit:
E.Xh., 16 vjeç, banues në Durrës;
J.P., 18 vjeç, banues në Shën Vlash, Durrës;
Gjithashtu, procedohet në gjendje të lirë shtetasi J. T., 17 vjeç dhe është shpallur në kërkim shtetasi A.A., 17 vjeç, të dy banues banues në Durrës
Këta shtetas në bashkëpunim me njëri-tjerin, në datë 16.10.2019, në orën 22:45 janë kapur në flagrancë duke vjedhur dyqanin bulmetore që ndodhet në lagjen nr. 12, në rrugën ?Mujo Ulqinaku?.
Gjithashtu, nga veprimet hetimore rezulton se këta shtetas në bashkëpunim me njëri ? tjetrin kanë realizuar edhe disa vjedhje të tjera në qytetin e Durrësit, si më poshtë:
Më datë 29.09.2019, në lagjen nr.18, dyshohet se kanë vjedhur 15 000 lekë, në një ?Bar Kafe?
Më datë 09.10.2019, në lagjen nr. 4, Durrës, dyshohet se kanë tentuar të vjedhin një kioskë.
Më datë 10.10.2019, në lagjen nr. 18, Durrës, dyshohet se kanë vjedhur me thyerje një lokal, ku kanë marë shumën 80 000 lekë, një telefon Samsung dhe 3 unaza.
Më datë 13.10.2019, në lagjen nr.18/1, Durrës, dyshohet se kanë kryer vjedhjen me thyerje të një kioske, ku kanë marë paketa cigareje të llojeve të ndryshme, me vlerë 20 000 lekë.
Më date 13.10.2019, në fshatin Romanat, Durrës, dyshohet se kanë vjedhur në një dyqan artikuj ushqimorë, me vlerën 10 000 lekë.
Më datë 15.10.2019, në lagjen nr. 17, Durrës, dyshohet se kanë vjedhur me thyerje dyqanin me artikuj ushqimorë, ku kanë marrë 8 steka cigareje dhe 3 400 lekë.
Në cilësinë e provës materiale u sekuestruan 3 000 lekë të reja dhe një kapuç i zi.
Materialet i kaluan Prokurorisë Pranë Gjykatës së Shkallës së Parë Durrës, për veprën penale ?Vjedhja?.





Lajmet e fundit nga