web counter
LEXO PA REKLAMA!

SHKARKO APP

App Store
Google Play

Asgjë e re nga fronti i negociatave/ Presidenti Macron nuk lëshon pe

17 Tetor 2019, 19:25, Politikë CNA

Në një lidhje drejtëpërdrejtë nga Brukseli për emisionin ?Opinion? për të raportuar të rejat më të fundit, gazetarja Erisa Zyka është shprehur se Presidenti Macron i ka thënë ?jo? hapjes së negociatave me Shqipërinë.

Sipas Zykës, arsyeja nuk është vetëm vlerësimi në parim i dy vendeve, por disa çështje specifike siç janë korrupsioni, krimi i organizuar dhe Reforma në Drejtësi ende e pa vënë në zbatim.

?Presidenti i Francës Emanuele Macron nuk do të ndryshoj qëndrimin e tij për çeljen e negociatave. Vendimi zyrtar i konfirmuar nga burimet e mija thotë që Franca i ka thënë ?jo? Shqipërisë. Makron e ka këtë vlerësim në parim dhe se nuk i ka hyrë një vlerësimi të thellësishëm. Gjithësesi në një komunikim zyrtar nga qeveria franceze thuhet se: ?Së pari, Reforma në Drejtësi nuk është vënë në zbatim. Së dyti, kokat e krimit nuk janë kapur. Dhe së treti, ka probleme me korrupsionin i shtrirë në të gjithë vendin.

Macron ka qenë i prerë sepse nuk kërkon që të dy vendet, Shqipëria dhe Maqedonia e Veriut, të ndahen, por të gjykohen bashkë.

Vendet e tjera që kanë patur rezerva janë: Danimarka që donte t?i ndante me qëllim që t?i jepte dritë jeshile vetëm Maqedonisë së Veriut. Sipas Danimarkës, Shqipëria ka probleme me krimin e organizuar dhe korrupsionin.

Po ashtu, edhe Spanja është kundër për Shqipërinë për shkak të problemeve me krimin e organizuar?, është shprehur gazetarja Zyka./ CNA.al

 

 





Lajmet e fundit nga