web counter
LEXO PA REKLAMA!

SHKARKO APP

App Store
Google Play

“56% janë PRO:/ Majlinda Bregu: Integrimi nuk është për politikanët, por për qytetarët!

17 Tetor 2019, 15:01, Politikë CNA

?Integrimi në BE është për qytetarët dhe jo për politikanët!? Kështu është shprehur Majlinda Bregu, Sekretare e Përgjithshme e Këshillit të Bashkëpunimit Rajonal (RCC), në mbledhjen e 38-të të Bordit të organizatës në Sarajevë.

Sipas saj, 56% e qytetarëve të Ballkanit Perëndimor, kanë shprehur mbështetjen e tyre për integrimin në BE, duke na treguar që ky proces nuk është ai për politikanët, por për qytetarët.

?Për më tepër, unë dëshiroj të theksoj se gjëja më e rëndësishme për ekonomitë, në drejtim të zbatimit të Planit Shumëvjeçar të Veprimit për një Zonë Rajonale Ekonomike (REA) dhe axhendave të tjera të reformës, është të përmbushin angazhimet e tyre. Nuk duhet të lejohet që mosmarrëveshjet dypalëshe të përhapen në të gjithë procesin e bashkëpunimit rajonal, pasi bashkëpunimi ecën përpara sa herë që ekziston vullneti politik.

Bashkëpunimi rajonal është një element thelbësor i perspektivës së BE-së për Ballkanin Perëndimor. Deklarata e Novi Sad është një mundësi për të rinovuar shtysën për bashkëpunimin rajonal. është e rëndësishme që nismat rajonale të përfshijnë të gjithë partnerët në Ballkanin Perëndimor dhe të bazohen në angazhime të marra më parë, veçanërisht për të çuar përpara Zonën Ekonomike Rajonale përpara Samitit në vitin 2020. Këshilli i Bashkëpunimit Rajonal mund të ndihmojë në këtë përpjekje. ?

Takimi i sotëm i Bordit të RCC kishte në sfond ngyrën pink si një gjest simbolik për të mbështetur të gjithë që vuajnë nga kanceri i gjirit, për të rritur ndërgjegjësimin për këtë sëmundje./CNA.al





Lajmet e fundit nga