web counter
LEXO PA REKLAMA!

SHKARKO APP

E fundit!

x

“Një ruse më bën foto”/ Mitro Çela rrëfen ndodhinë buzë detit

10 Tetor 2019, 16:30, Opinione CNA

Nga Mitro Çela 

Me Ezmerkën. Xhiro. Bregut të detit. Fshati turistik “Laguna Blu”. Qerret. Deti një javë i thartuar. Sot deri qesh, duke huazuar metaforën e përdorur nga Maksim Gorki, babai i realizmit sovjetik në letërsi.
I them Ezmerkës:
-Më bën një foto?
Pasi shkrepi aparatin disa herë, i thashë:
-Dua edhe një tjetër foto. Dale të hipi mbi rrëshqitëse.
-Ke lujt nga fiqiri! Të të bëj foto ku luajnë kalamaj? Turp të kesh!
-Pse? Sipas Mao Ce Dunit mosha fillon 60 vjeç. I bie të jem 9 vjeç: Kalama!
-Harroje! Më vjen turp nga njerëzia!
Aty pari po kalonte një vajzë. Bionde. E kolme. Me bikini të ditëve të fundit. Dmth mbuluar vetëm vrimat.
-Po nuk ma bëre ti foton, i them çupës!
-Do bësh gazi i botës! Pa thënë që nuk ke surrat të flasësh me këtë peri!
Por e mori ferra uratën. Lashë Ezmerkën. Ju aftova çupës. Instikti më thosh që ishte ruse.
“Pazhallusta-të lutem”. I zgjata celularin. Kaq. Mu lidh gjuha për më tej. Për dy arsye. Së pari. Nuk më kujtoheshin fjalët rusisht. Së dyti. Më mbyti emocioni.
Për habi të Ezmerkës, çupa shkrepi aparatin. Vrava trutë dhe bëra tre pyetje, standart në rusisht.
1-Kak tebja zavut? Si të quajnë?
Tatjana
2-Gde zhivot? Ku banon?
Moskva.
3-Gde rabotajet! Ku punon?
Televizja Moskvu.
Doja të vazhdoja të ëmblën bisedë, por…
-Mitro! Na pret Denisa për kafe…
-Dasvidanja! Krasivaja djevoçka. Lamtumirë vajzë e bukur!
-Dasvidanja! Mielli drug? Lamtumirë mik i dashur!
-Pika burrit! Bën si adoleshent?!…/CNA.al





Lajmet e fundit nga