web counter
LEXO PA REKLAMA!

SHKARKO APP

App Store
Google Play

Baton Haxhiu "këshillë" Albin Kurtit/ "Kërkoi falje Edi Ramës!"

7 Tetor 2019, 16:57, Kosova & Bota CNA

Analisti Baton Haxhiu, i ftuar në ?Top Talk?, ditën e sotme, ka folur për zgjedhjet e parakohshme parlamentare të mbajtura në Kosovë, ndërsa nuk i ka kursyer kritikat edhe ndaj kryeministrit të ri, Albin Kurti.

?Kritika e parë në fjalimin e djeshëm të zotit Kurti i drejtohej qeverisë së Shqipërisë. Dhe për faktin se nuk ka ndodhur asnjëherë në logjikën politike dhe në qëndrimet publike, kjo mund të them është fillimi që Kosova dhe Shqipëria janë në një zonë politike?, u shpreh ai.

I pyetur nëse do të ketë ndonjë ndryshim në marrëdhëniet politike “komplekse” midis Albin Kurtit dhe Edi Ramës, pas ndryshimit të raporteve më të fundit në politikën Kosovare, dhe pozicioneve që dy figurat, Rama e Kurti përfaqësojnë, Haxhiu shprehet se:

?Unë mendoj që marrëdhëniet mes dy shteteve dhe mes dy kryeministrave nuk duhet të kishin qejfmbetje, por zoti Kurti do duhej të kërkonte falje për lançimin publik ndaj Ramës, e sidomos ndaj ministrit të Jashtëm, Cakaj; lançimin e pashembullt të një politikani dhe të një partie politke për të cilin ka lënë shije të keqe në marrëdhëniet jo vetëm njerëzore, por edhe në marrëdhëniet politike?, deklaroi analisti.

Me tej, analisti Baton Haxhiu vlerësoi se nuk mund të mungojnë përplasjet politike mes Vetëvendosjes dhe PS-së.

?Por unë mendoj që VetëVendosja, për faktin se çfarë është opozita në Shqipëri do të jetë pjesë e fushatës zgjedhore në Shqipëri dhe debatet Vetëvendosje- PS do të ashpërsohen, nuk do jenë debate të buta tani e tutje?, tha ai./CNA.al





Lajmet e fundit nga