web counter
LEXO PA REKLAMA!

SHKARKO APP

App Store
Google Play

"Nuk merr asnjë përgjegjësi..."/ Presidenti Meta i nxjerr bojën kryeministrit Rama

3 Tetor 2019, 20:33, Politikë CNA

?Nuk e kam menduar kurrë sinqerisht, deri në 10 qershor që Edi Rama vërtet e mendonte që të shkonte në zgjedhjet vendore pa opozitën. Mendoja se ky donte të fitonte kohë, duke i vënë në një situatë të vështirë sa të afronte 30 qershori dhe pastaj ky do të vijë dhe vetë dhe të thoshte ore gjej një datë, ose bëj një përpjekje. Unë kam biseduar disa herë dhe ai më thoshte: kemi kohë. Unë nuk di të gënjej?, kanë qenë frazat e artikuluara nga presidenti Ilir Meta, i cili ka qenë prezent në emisionin “Opinion” të mbrëmjes së sotme.

Temë diskutimi e emisionit ka qenë “Shpërthimi i Ilir Metës”, ku raporti i Komisionit të Venecias dhe “pabesia” e kryeministrit Rama kanë qenë në fokus të fjalës së Presidentit.

I pyetur nga moderatori, nëse e pranonte  Rama në bisedat private me të që vendi ishte në krizë, Presidenti u përgjigj:

“Ai nuk e pranon edhe sot. Thotë që është Europa në krizë, nuk jemi ne. Ne po shkëlqejmë, ne po lulëzojmë?. Po ta kishte pranuar këtë dhe po të kishte atë ndjenjë përgjegjësie, që duhet të ketë,  jo një Kryeministër, i cili ka shumë përgjegjësi ndaj vendit, por një qytetar normal, kurrë nuk do të ishin këto situata… Nuk mendoj tani pas gjithë këtyre zhvillimeve që atij i dhimbset shumë stabiliteti apo destabiliteti i Shqipërisë. Nuk e mendoj, sepse po t?i kishte këto ndjenja të përgjegjshme ai nuk do ta kishte lënë kurrë situatën të vinte deri në këtë pikë. Ai është i vetmi Kryeministër në këto 30 vjet që nuk pranon dhe nuk merr asnjë përgjegjësi për asnjë nga krizat dhe pasojat që ai prodhon”./CNA.al





Lajmet e fundit nga