web counter
LEXO PA REKLAMA!

SHKARKO APP

App Store
Google Play

Akuza e fortë e Kryemadhit/ Degët e PS në qarqe drejtohen nga grupe kriminale

3 Tetor 2019, 14:36, Politikë CNA

Kryetarja e LSI-së, Monika Kryemadhi në një intervistë të dhënë për ?A1 Report? deklaroi se në qeverinë e Ramës ka njerëz që nuk kanë as kontribut dhe asnjë lloj përgjegjësia.

Sipas saj degët e PS në rrethe drejtohen nga grupe kriminale, të cilët emërojnë njerëz të tyre.

Ju si një politikane me eksperiencë, si e shihni realisht dëshirën e politikës shqiptare për të zgjidhur këtë krizë? Përveç opozitës, çfarë shihni nga ish-kolegët tuaj socialistë?

?Që të jemi të sinqertë, socialistët  e vërtetë, sepse ka dy tre grupime sot në Partinë Socialiste dhe nuk më takon po them që t?i bëj analizën asaj. Socialistët e vërtetë ndihen jo vetëm të zhgënjyer, por edhe të përdorur. Kur një socialist, i cili ka mbi 30 vjet që punon dhe voton për Partinë Socialiste, i kërkohet nga zyrat e shtetit 25 mijë euro bakshish për të marrë një leje ndërtimi apo për të marrë një zhvillim, është shumë e rëndë.

Ndihet shumë i fyer, se hajde kur ja kërkon dikush i një partie tjetër, se ne u mësuam me këtë metodë pune. Por pastaj Rilindja, që vjen pa asnjë lloj kontributi, pa asnjë lloj background-i politik, pa asnjë lloj po themi respekti ndaj historisë së Partisë Socialiste, sigurisht që ata nuk ndjejnë asnjë lloj dhimbjeje.

Do ta mjelin. Siç milet lopa, dhe pastaj do të marrin qumështin dhe do të ikin e nuk do e kthejnë më kokën pas. Pastaj janë grupet kriminale të cilët po e përdorin partinë Socialiste si një mburojë dhe një trampolinë për të implementuar paratë e tyre në ekonominë shqiptare dhe për t?i legalizuar ato. Pra janë 3 grupe, që për hir të së vërtetës do ta kenë shumë të vështirë që të mbijetojnë me njëri tjetrin./CNA.al





Lajmet e fundit nga