web counter
LEXO PA REKLAMA!

SHKARKO APP

“Nxori sekretin para kohe”/ Meta përdor Mimi Kodhelin, për të sulmuar raportin e Venecias

28 Shtator 2019, 07:54, Politikë CNA

Edhe pse më parë kishte deklaruar se do të jepte dorëheqjen, nëse Komisioni i Venecias thotë se ka shkelur Kushtetutën, në fakt duket se Presidenti Meta, nuk ka ndërmend ta bëjë një gjë të tillë.

Pasditen e djeshme në media u publikua raporti i Venecias, ku ndër të tjera thuhej se Meta ka shkelur Kushtetutën me vendimin e tij për të çdekretuar 30 qershorin, si datën për mbajtjen e zgjedhjeve vendore.

Menjeherë pas publikimit të këtij raporti, reagoi zëdhënësi i Presidencës, Tedi Blushi, i cili shkruante se ?zero shkelje të Kushtetutës, dëgjoni Bundestagun?.

Por, mëngjesin e sotëm, ka ardhur një tjetër reagim i zëdhënësit të Metës, i cili ka përdorur një deklaratë të deputetes së PS-së, Mimi Kodheli, të dhënë në 10 shtator, për të sulmuar raportin.

Në një video që Tedi Blushi ka publikuar në rrjetet sociale, në një intervistë televizive në 10 shtator, Mimi Kodheli shprehej se ?Në këtë proces do të na ndihmojë Komisioni i Venecias, i cili mendon se ka një shkelje të Kushtetutës?.

Blushi ironizon ish-ministren Kodheli, ndërsa shkruan se ?Kur Mimi nxjerr sekretin para kohe…ha ha?./ CNA.al





Lajmet e fundit nga