web counter
LEXO PA REKLAMA!

SHKARKO APP

App Store
Google Play

Venecia “shuplakë” Metës/ Rudina Hajdari: Faktoi qartazi qëndrimin e opozitës parlamentare

27 Shtator 2019, 19:11, Politikë CNA

Deputetja e opozitës parlamentare, Rudina Hajdari ka reaguar për raportin e Komisionit të Venecias, ku thuhet se Presidenti Ilir Meta ka shkelur Kushtetutën.
Sipas Hajdarit, Komisioni i Venecias faktoi qartazi qëndrimin që Opozita Parlamentare ka pasur ndaj shkarkimit të Presidentit për shkelje të Kushtetutës, duke tejkaluar kompetencat e tij nëpërmjet zhdekretimit të datës së zgjedhjeve të 30 qershorit.
Hajdari thotë se opozita paralamentare ka qenë pro rezulutës së mazhorancës që Meta ka tejkaluar dhe shkelur kompetencat, por sipas saj kompetencën për të vendosur nëse shkelja ishte e rëndë apo jo i takon Gjykatës Kushtetuese.
Postimi i plotë:
Komisioni i Venecias faktoi qartazi qëndrimin që Opozita Parlamentare ka pasur ndaj shkarkimit të Presidentit të Republikës për shkelje të Kushtetutës, duke tejkaluar kompetencat e tij nëpërmjet zhdekretimit të datës së zgjedhjeve të 30 qershorit.

Cili ka qenë dhe është qëndrimi i Opozitës Parlamentare?

Pro rezolutës për shkelje dhe tejkalim kompetencash të Presidentit të Republikës, por kompetenca për të vendosur nëse ajo shkelje ishte një shkelje e rëndë ose jo i takon vetëm Gjykatës Kushtetuese.

Sot e në vijim, ne, Opozita Parlamentare, në bashkërendim dhe me përkrahjen e Aleatëve Ndërkombëtarë do të vijojmë rrugën që kemi nisur drejt një Shqipërie Europiane, me një reformim në drejtësi, sistemin zgjedhor, dhe plotësimin e kërkesave drejt hapjes së negociatave për Shqipërinë në BE./CNA.al





Lajmet e fundit nga