web counter
LEXO PA REKLAMA!

SHKARKO APP

App Store
Google Play

Kokaina në Durrës/ Klodiana Lala zbardh detajet e dosjes, kush është oficeri i arrestuar

27 Shtator 2019, 09:00, Kronika CNA

Gazetarja Klodiana Lala ka zbardhur detaje të reja nga operacioni antidrogë Shqipëri-Greqi, ku u sekuestruan 1 kg kokainë, e cila kishte ardhur me kontejner në portin e Durrësit.

Në një lidhje direkte për ?News24? gazetarja Klodiana Lala tregoi të dhëna nga dosja e operacionit në fjalë, ku brenda kontejnerëve që vinin nga Ekuadori ishte fshehur kokaina.

Nga aksioni, sikurse theksoi ajo, u arrestuar Ardian Bega, oficer i sigurisë në portin e Durrësit, shtetasi Altin Mysliaka, si dhe është shpallur në kërkim shtetasi me inicialet G.M. Mësohet se skema e trafikut Ekuador-Pire-Shqipëri, kishte pak ditë që po hetohej nga policia greke.

Gazetarja Lala raportoi se ngarkesa e kokainës, e cila ishte nisur nga Ekuadori, pasi u pikas nga policia greke, u zëvendësua me oriz në përpjekje për të futur në kurth porositësit, duke lënë vetëm 1 kg. Pasi e ambalazhuan drogën në mes të orizit, policia brenda tyre vendosi edhe gps (aparat lokalizues).

Po ashtu gazetarja tha se dy kontejnerët kishin mbërritur në portin e Pireut në datën 26 gusht, ndërsa në 19 shtator ata mbërritën në portin e Durrësit.

Sasia e kokainës së sekuestruar në katër kontenierë është 137 kg.

Gjithashtu, gazetarja Lala tha se pasi u vunë në dijeni nga autoritetet greke, policia shqiptare ndërmori masat, ndërsa prokuroria çeli procedim penal. Mësohet se në portin e Durrësit kanë qenë 4 oficerë policie që mbikëqyrnin kontejnerët, ndërsa operacioni vëzhgohej dhe nga një pallat përballë portit. Pasi ngarkesa në fjalë u mor nga oficeri i sigurisë së Portit, i cili u takua me shtetasin me inicialet G.M. Ky i fundit bashkë me Begën arritën të merrnin ngarkesën, të cilën e hodhën jashtë një makine me targa franceze, pasi pikasën se mbështjellja e drogës ishte e dyshimtë.





Lajmet e fundit nga