web counter
LEXO PA REKLAMA!

SHKARKO APP

App Store
Google Play

Ekzekutimi mafioz i ish-policit/ Zbardhen emrat e 8 personave në kërkim për vrasjen

27 Shtator 2019, 18:23, Kronika CNA

Prokuroria e Tiranës i është drejtuar gjykatës për të kërkuar masën e sigurisë ?arrest me burg? për tetë persona të dyshuar si të përfshirë në vrasjen e 26-vjeçarit, Santiago Malko.
Prokuroria ka kërkuar masën ?arrest me burg? për vellezërit Leonard dhe Elis Duka , Fatmir Hyseni, Xhoni Nica, Oltian Loka, Ilir Selmani, Aleksandër Maxhaku, dhe Dritan Agaj.
Ndaj tetë personave janë ngritur akuzat e ?vrasjes me paramendim?, ?armëmbajtjes pa leje?, ?vjedhjes?, vepra keto të kryera në kuadër të grupit të strukturuar kriminal.
Gjithashtu gjykata ka miratuar edhe kërkesën për kalimin e çështjes për tu hetuar nga Krimet e Rënda, pasi të pandehurit dyshohen se kanë funksionuar si grup i strukturuar dhe po hetohen edhe për vepra të tjera penale.
Për identifikimin e autorëve kanë ndihmuar kamerat e sigurisë që janë sekuestruar ditën e ngjarjes, të cilat kanë fiksuar se autorët e kanë ndjekur viktimën gjatë gjithë ditës duke ndërruar tre makina.
Aktualisht për këtë vraje ndodhet i arrestuar vetëm Blendi Teta, i cili akuzohet për moskallëzim krimi dhe ka mohuar të ketë lidhje me ngjarjen.
Ekzekutimi i Santiago Malkos ndodhi mbrëmjen e 27 gushtit në afërsi të Xhamllikut në kryeqytet.





Lajmet e fundit nga