web counter
LEXO PA REKLAMA!

SHKARKO APP

App Store
Google Play

Dosja “Toyota Yaris”/ Klodiana Lala: Donika Prela kërcënoi prokurorët

24 Shtator 2019, 19:34, Kronika CNA

Drejtuesja e Prokurorisë së Krimeve të Rënda, Donika Prela ka ardhëruar përmes një shkrese prokurorët e dosjes së bujshme të njohur si ?Toyota Yaris? të dërgojnë çështjen për gjykim në gjykatë.

Kjo shkresë  është  komentuar nga gazetarja Klodiana Lala në një lidhje të drejtpërdrejtë me emisionin ?Real Story? në ?News 24? Lala u shpreh se Prela ka shkelur ligjin, pasi ajo ka firmosur që dosja të shkojë në gjykatë, në një kohë që kjo është e drejtë ekskluzive e prokurorëve të çështjes.

“Ky udhëzim është urdhër, sepse jepet urdhër që çështja të shkojë në gjyq para datës 24 shtator. Zonja Prela ka vepruar kundër asaj që thotë ligji, më kanë thënë ish-prokurorë e njerëz që njohin ligjet.

Zonja Prela do të ishte në rregull me ligjet nëse do kërkonte shpejtim kur ka mangësi. Prela ka diktuar mënyrën si kanë ecur hetimet. Me reformën në drejtësi, prokurorët duhet të punojë në mënyrë të pavarur.

Me garanci dhe përgjegjësi maksimale iu konfirmoj se sot ka pasur debat të fortë në Prokurori të Krimeve të Rënda për këtë çështje. Prela në njëfarë mënyre ka pranuar gabimin që ka bërë. Vetëm prokurorët mund të çojnë çështjen në gjyq dhe jo drejtuesit e Prokurorisë. Akoma veprohet me mendësinë e vjetër. Dosja zyrtarisht ka mbërritur te Krimet e Rënda me firmë të Prelës.”

Pikërisht për këtë çështje, Lala zbuloi se gjatë ditës së sotme në Prokurorinë e Krimeve të Rënda ka patur një debat të fortë. Sipas Lalës, Prela u ka kërkuar llogari prokurorëve madje i ka kërcënuar me hetim disiplinor./CNA.al





Lajmet e fundit nga