Cakaj krah Ramës në Asamblenë e OKB/ Tregon synimin e Shqipërisë

24 Shtator 2019, 20:48, Politikë CNA

Ministri i Brendshëm, Gent Cakaj ka publikuar një foto krah kryeministrit Edi Rama nga punimet e Asamblesë së Përgjithshme të OKB që mbahet në Nju Jork.

Cakaj shprehet se Shqipëria ka ambicie për sigurimin e vendit të anëtarit të jo të përhershëm në Këshillin e Sigurimit 2022-2023.

?Si bartëse e shumë nismave rajonale, anëtare e NATO-s dhe kryesuese e ardhshme e
OSBE-së, Shqipëria jo vetëm ka dëshmuar besueshmërinë e lartë në rrafshin shumëpalësh në përgjithësi por ofron edhe një program pothuajse të pazëvendësueshëm për vëndin e anëtarit jo të përhershëm të Këshillit të Sigurimit në veçanti?, shkruan Cakaj.

Postimi i plotë:

Sot në hapjen e punimeve të Sesionit të 74 të Asamblesë së Përgjithshme të Kombeve të Bashkuara!

Çështja qëndrore e punimeve të këtij sesioni do të jetë bashkëpunimi shumëpalësh në funksion të zbatimit të objektivave të platformës për zhvillim të qëndrueshëm 2030. Ndër të tjera, një vëmendje e veçantë do t’i kushtohet angazhimit të përbashkët kundër varfërisë së skajshme dhe ekstremizmit të dhunshëm, përpjekjeve për arsim më cilësor e zhvillim ekonomik dhe bashkërendimit të qëndrimeve për përballjen me ndryshimet klimatike.

Marrë parasysh ambicjen e Shqipërisë për të siguruar vendin e anëtarit jo të përhershëm në Këshillin e Sigurimit 2022-2023, një pjesë e konsiderueshme e përpjekjeve të delegacionit shqiptar do të drejtohet pikërisht kah sigurimit të mbështetjeve politike të vendeve të ndryshme pjesëmarrëse për kandidaturën tonë !

Si bartëse e shumë nismave rajonale, anëtare e NATO-s dhe kryesuese e ardhshme e
OSBE-së, Shqipëria jo vetëm ka dëshmuar besueshmërinë e lartë në rrafshin shumëpalësh në përgjithësi por ofron edhe një program pothuajse të pazëvendësueshëm për vëndin e anëtarit jo të përhershëm të Këshillit të Sigurimit në veçanti.

Gjatë takimeve të shumta në Neë York do të punojmë veçanërisht në shërbim të njohjeve të Republikës së Kosovës !

Gjatë këtyre ditëve do të shfrytëzojmë rastin për zhvillimin e shumë takimeve në shërbim të çeljes së negociatave për anëtarësim në BE me Shqipërinë në tetor./CNA.al