web counter
LEXO PA REKLAMA!

SHKARKO APP

App Store
Google Play

Deklarata e fortë/ Pse Rama është “peng” i Saimir Tahirit

20 Shtator 2019, 07:06, Politikë CNA

Lëvizja Socialiste për Integrim ka reaguar pas vendimit të Gjykatës për Krimet e Rënda, ndaj ish-ministrit të Brendshëm, Saimir Tahiri, i cili u dënua me 5 vite burgim ish ministrin e Brendshëm Saimir Tahiri. Por, duke qenë se ai kishte pranuar më parë gjykimin e shkurtuar, atëherë dënimi sipas vendimit, konvertohet në 3 vite e 4 muaj shërbim prove. Po ashtu zotit Tahiri i ndalohet të ushtrojë funksione publike po për të njejtën periudhë.

Në një deklaratë për mediat, LSI vijon të hedhë akuza të forta në drejtim të kryeministrit Edi Rama, ndërsa thekson se është ky i fundit i cili po mbron Tahirin.

Sipas LSI, Rama është peng i Tahirit dhe krimit të organizuar, sepse është pikërisht kreu i qeverisë, “shefi i madh”, për të cilin flitet në përgjimet e prokurorisë.

?Për LSI, vendimi i Gjykatës së Krimeve të Rënda tregon qartë se drejtësia është marrë peng nga krimi i organizuar dhe Edi Rama është peng i Saimir Tahirit dhe strukturave kriminale.

Edi Rama ka bërë gjithçka për të mbrojtur Saimir Tahirin dhe ka përdorur çdo mekanizëm të tijin sepse Edi Rama është peng i dosjeve korruptive dhe i familjarëve të tij.
Projekti i kanabizimit të vendit, trafiku ndërkombëtar i drogës është projekt politik i Edi Ramës sepse Edi Rama është ?Shefi i madh? i cili projektoi dhe urdhëroi këtë projekt shkatërrues për vendin që nxiu historinë e Shqipërisë në mediat botërore.?-thuhet në deklaratë.

Më tej, LSI thekson se me Edi Ramën është provuar që nuk ka drejtësi, krimi i organizuar ndjehet i fortë, i sigurtë dhe i pëkrahur.
Po ashtu, sipas LSI ?Ka vetëm një rrugë: Të çlirohet vendi nga Edi Rama dhe kapja e institucioneve nga krimi i organizuar për të instaluar shtetin e së drejtës për të kthyher tek çdo qytetar dinjitetin dhe shpresën se ky vend do të bëhet.?/ CNA.al





Lajmet e fundit nga