E fundit!

10:12 Politikë

Vrasja e efektivit në Maliq/ Lamallari: Dënoj aktin e rëndë, Shqipëria humbi një shërbëtor të ligjit

Ministri i Brendshëm, Besfort Lamallari, shprehu humbjen e...

Nga i papunë me vilat e gruas/ Kërkohet dorëheqja nga politika e Metës së 7 %

15 Shtator 2019, 09:15, Politikë CNA

Presidenti Ilir Meta u ka bërë thirrje sot qytetarëve që të zgjohen për të rrëzuar këtë sistem.

Sipas Metës, ka ardhur koha për t’u ngritur.

“Zgjidhja nuk është tërheqja dhe justifikimet foshnjore, por përballja me të keqen dhe ligësinë!

O sot o kurrë”, shkruan Meta në rrjete sociale.

Thirrja e tij ka çuar në reagimin e qytetarëve, të cilët i thonë që nuk ka moral për të bërë një apel të tillë.

Ata i kërkojnë që të japë dorëheqjen, nëse vërtet do që të triumfojnë vlerat demokratike, siç ai pretenton.

Sipas qytetarëve, bëmat 30 vjeçare të Metës, nuk i izolon dot kupola e Presidencës.

“Ju nuk mundet të jeni një tribun për ndryshim. Morali juaj nuk jep më energji besueshmërie tek njerëzit. Edhe me foton që keni nxjerrë në këtë statusin tuaj është një hipokrizi e juaja.

Analizën bëjeni akoma më të thellë dhe jepeni shembullin në këtë ditë të demokracise me dorëheqjen përfundimtare nga politika. Kështu bëhu shembull edhe për të tjerët.

Asnjë alternativë tjetër nuk është e mundur për ju të afroni tek njerëzit që ju jeni ndër ideatorët, fajtorët e shkallmimit të shpresës së njerëzve. Të qenurit tuaj në kupolën presidenciale nuk i izolojnë dot bëmat tuaja 30 vjeçare. Bëhu burrë dhe tërhiqu sot nga politika. O sot o kurrë”, i shkruan një qytetar, Presidentit.

Ndërkaq një tjetër i kujton 7 përqindëshin, prej të cilit drejtësia e aministoi.

“Këto i the se nuk të dhanë 7% -in, apo sepse nuk duan të marrësh pjesë në “ujdinë” e re PS-PD?

O shqiptar “i kulluar” . Pa më shpjego mua shqiptarit të thjeshtë përse Presidenti i Shqipërisë (që na do aq shumë), nuk duron dot 1 muaj që të mos nxijë Shqipërinë?! Nuk duron dot ti që na dashke te miren e Shqipërisë derisa të merret vendimi i europës për negociatat???

Kaq shumë na dashke ne shqiptarët ti…sa nuk duron kjo dashuria jote për të mirën tonë? Nga i papunë…me vila (kuptohet me trashëgimi nga gruaja).

Nga asnjë ditë pune në privat (thelbi i ekonomisë)…në shtëpi të shitura qindra mijëra euro, sipas deklarimeve të tua. Në fshatin tim…ti o “deshmori” i demokracisë, partia jote jepte 70? për votë. Apo partia është e korruptuar…ti jo??? Ti atedhedashës?! Mjerë ne!.

Është ky reagimi qytetar, përballë të cilit Presidenti Meta hesht, dhe nuk ka guxim t’i përgjigjet./CNA.al