web counter
LEXO PA REKLAMA!

SHKARKO APP

E fundit!

x

Akuzat për kryebashkiakun e Vaut të Dejës/ PD bën paralajmërimin e fortë

14 Shtator 2019, 09:21, Politikë CNA

Sekretari i Përgjithshëm i Partisë Demokratike, Gazmend Bardhi ka paralajmëruar se javën e ardhshme PD do të publikojë dokumente të tjera të cilat vërtetojnë, sipas tij, akuzat ndaj kryetarit të Bashkisë Vau Dejës Mark Babani

Gazmend Bardhi i cili ishte i pranishëm në Shkodër në kuadër të procesit të zgjedhjeve të sekretariateve në degën e PD Shkodër, ndër të tjera ka folur edhe në lidhje me aksionin opozitar, ndërsa ka theksuar se protestat do të vijojnë duke kërkuar rrëzimin e qeverisë Rama.

Sipas Bardhit, PD nuk synon mbylljen e derës së integrimit por plotësimin e kushteve, ku në thelb janë zgjedhjet e lira dhe të ndershme.

Kujtojmë këtu se Partia Demokratike në datë 10 shtator i kërkoi Prokurorisë së Përgjithshme verifikimin kryetarit të Bashkisë së Vaut të Dejës, Mark Babanit, pasi sipas selisë blu dyshohet se ka fshehur ndalime, dënime dhe dëbime nga Italia dhe Maqedonia e Veriut.





Lajmet e fundit nga