web counter
LEXO PA REKLAMA!

SHKARKO APP

App Store
Google Play

LSI i trembet një pakti Rama-Basha?/ Kërpaçi: Boll me marrëveshje qorre, duhet dialog transparent

14 Shtator 2019, 17:59, Politikë CNA

Kryetarja e Lëvizjes Rinore për Integrim, Floida Kërpaçi ka komentuar zhvillimet e fundit politike në vend, ndërsa ka folur dhe për një marrëveshje të mundshme Rama-Basha.

E ftuar në Report Tv Kërpaçi u shpreh se marrëveshjet e fshehta nuk i shërbejnë qytetarëve dhe problemeve të tyre.Sipas saj duhet një dialog i hapur dhe transparent.

?Jam absolutisht kundër marrëveshjeve qorre, marrëveshjeve të cilat janë në kundërshtim dhe që nuk i shërbejnë qytetarëve shqiptarë, absolutisht nuk mund të vazhdojë vendi jonë dhe e mira e përbashkët e shoqërisë tonë me marrëveshje të cilat bëhen nga dy nga tre, çfarë rëndësie ka sesa palë janë por që nuk janë transparente për qytetarët shqiptarë.

Për mua si Floid, për mua si politikane por edhe si e re drejtuese në vend është shumë e rëndësishme që dialogu, marrëveshjet të jenë të hapura, të jenë transparentë, t?i përfshijnë të gjithë, të jenë më integritet, ku të gjithë aktorët, shoqëria civile, qytetarët të jenë njohës të këtyre marrëveshjeve, të këtyre dialogëve dhe të jenë pjesëmarrës dhe të japin verdiktin e tyre, sepse këtu nuk bëhet fjalë për dy, tre, katër, pesë persona, këtu nuk bëhet fjalë për pesë, gjashtë apo shtatë drejtues, këtu bëhet fjalë për interesat e tyre.

Duhet t?i japim fund marrëveshjeve qorre dhe marrëveshjeve të mbyllura dhe të hapim një fazë të re, ku ka dialog, ka integritet dhe përfshihen dhe aktorë të tjerë, dhe është transparentë për qytetarët shqiptarë?, u shpreh Kërpaçi./CNA.al





Lajmet e fundit nga