web counter
LEXO PA REKLAMA!

SHKARKO APP

App Store
Google Play

E fundit!

x

Trajtimi i pronës në Shqipëri disfatë e plotë/ Ftesa për specialistë, vetëm propagandë

11 Shtator 2019, 12:15, Politikë CNA

Ish-deputetja e Partisë Demokratike, Dhurata Çupi ka reaguar pas deklaratës së kreut të Agjencisë Shtetërore të Kadastrës, Artan Lame, i cili ka njoftuar sot hapjen e garës për 74 vende të lira pune në Kadastrat në të gjithë vendin.

Ndërsa, Lame i drejtoi edhe një apel të fortë të gjithë politikanëve, që të mos ndërhyjnë për punësime, pasi për të zgjidhur nyjën e pronës, duhen profesionistë, Çupi e cilëson këtë vetëm propagandë.

Gjithashtu, ajo theksoi se ?pas 6 vitesh drejtim ku me të njëjtin nxitim e gllabërim ndaj pronës publike e kane trajtuar edhe pronën private të qytetarit, sot ju thotë atyre se na duhen tani dhe në vazhdim specialistë të aftë.  Kjo qeveri ka  6 vite që nuk  trajton  asnjë pronë të  ish pronarëve.?

Më tej, ish-deputetja demokrate u shpreh se ?E thënë shkurt:  Prona  në Shqipëri është  vjedhur dhe abuzuar , është  shitur e blerë sipas projekteve personale të këtyre qeveritareve. Shembulli i ketyre 6 viteve të fundit nxjerr një leksion të mirë për ju: mos dilni  më në media dhe mos bëni më propagandë, është koha të ikni e të qërroheni nga aty ku keni bërë batërdinë ndaj pasurise se shqiptarëve?.

Deklarata e plotë:

Pas 6 vitesh drejtim ku me të njëjtin nxitim e gllabërim ndaj pronës publike e kane trajtuar edhe pronën private të qytetarit, sot ju thotë atyre se na duhen tani dhe në vazhdim specialistë të aftë.

Kjo qeveri ka  6 vite që nuk  trajton  asnjë pronë të  ish pronarëve.

Nuk mundet sot te permendet  1 metër katror e trajtuar apo kaluar me te drejtë pronarëve nga agjencia qeveritare

Nga ana tjeter kemi sjelljen më të shëmtuar dhe jo profesionale me pronen publike.

Ne vitin 2013 kjo qeveri gjeti te gatshëm në masën 90% inventarin e cdo  prone publike, të institucioneve qëndrore apo të njësive të qeverisjes vendore.

Nga ana tjeter këto  prona kishin referencat ne rregjistrat kadastrale në përqindje të  madhe të tyre

Kishte një reformë  të plotë pronat-  pyje e kullota.

Në 2013 ne lamë një inventar të plotë të pyjeve  e kullotave , dhe vetëm kërkoheshin disa saktësime  në hartë për   të  përcaktuar juridiksionet territoriale, kryesisht mes njësive.

Sot, pas 6 viteve, askush nuk din të thotë se  ku janë këto  inventare dhe përse nuk azhornohen.

Legalizimet jane një tjetër cështje, që përpos disa daljeve mediatike, ku propaganda zë hapësirën  kryesore, rezulton që qytetarët  vazhdojnë mos të marrin  pronesitë e tyre për shtëpitë që ndërtuan me djersën e tyre.

Për këtë cështje , në  vitin  2013 gjeten te plotë kuadrin ligjor dhe rruga ishte e shtruar me të gjithë  infrastrukturën e  nevojshme dhe pritej vetëm shpërndarja  e certifikatave të pronësisë,  dhe as kjo  natyrisht nuk u krye nga kjo qeveri.

E thënë shkurt:  Prona  në Shqipëri është  vjedhur dhe abuzuar , është  shitur e blerë sipas projekteve personale të këtyre qeveritareve. Shembulli i ketyre 6 viteve të fundit nxjerr një leksion të mirë për ju: mos dilni  më në media dhe mos bëni më propagandë, është koha të ikni e të qërroheni nga aty ku keni bërë batërdinë ndaj pasurise se shqiptarëve.

Dëmin  që i keni  bërë vendit  me trajtimin  e pronës publike dhe private vitet e fundit eshte më i rëndi ne 30 vite dhe pasojat do ti vuajnë shqiptarët./ CNA.al

74 vende të lira pune të Kadastra/ Lame apel politikanëve





Lajmet e fundit nga