web counter
LEXO PA REKLAMA!

SHKARKO APP

App Store
Google Play

E fundit!

x

Skandali me shpenzimet e luksit/ Prokuroria mashtroi me hetimet ndaj Maznikut

9 Shtator 2019, 13:19, Kronika CNA

Nënkryetari i Bashkisë së Tiranës, Arbjan Mazniku, dyshohet se ka abuzuar me detyrën.

Pasi në media u publikuan fatura shpenzimeve të Maznikut të paguara në Barcelonë, nga biznesmeni Shkëlqim Fusha, është detyruar të reagojë edhe Prokuroria e Përgjithshme.

Me anë të shkresës numër 2279 të datës 03.03.2019, Prokuroria e Përgjithshme i ka kërkuar Prokurorisë së Shkallës së Parë Tiranës që të nisë hetimet për rastin e Maznikut.

?Duke marrë shkas nga publikimet e fundit në media, ju dërgojmë për vlerësim ligjor të dhëna të printuara nga mediat online, ku përfshihen dyshime në lidhje me përfitimit në mënyrë të parregullt të dhuratave prej funksionarit të administratës, publike shtetasit Arbi Mazniku?, thuhet në shkresën e firmosur nga prokurja Alketa Zifla dërguar Prokurorisë së Tiranës.

Mirëpo verifikimet apo hetimet sido që t’i quajë Prokuroria, thuajse janë të dështuara pa nisur.

Nëse lexojmë shkresën e Prokurorisë së Përgjithshme, drejtuar Prokurorisë së Tiranës, vërehet se nënkryetari i Bashkisë për prokuroren Alketa Zifla është thjesht Arbi.

 

Funksionari i administratës, siç thuhet në shkresën e Prokurorisë së Përgjithshme, në faqen zyrtare të Bashkisë apo edhe në deklaratat e pasurisë, rezulton me emrin  Arbjan Mazniku.

Pra që do të thotë se prokurorja që hartuar shkresën Alketa Zifla apo urdhëruesit e saj, kanë reaguar thjesht sa për ti mbyllur gojën mediave dhe për të shuar skandalin.

Për më tepër një gjë e tillë shërben dhe si një mesazh i koduar për Prokurorinë e Tiranës, e cila të mos bëjë verifikime dhe hetim jo e jo.

Në fakt Prokuroria e Tiranës, është specializuar për raste të tilla, kur është fjalë për Bashkinë e kryeqytetit.

Ish kreu i kësaj Prokurorie Petrit Fusha dyshohet se ka amnistuar kryebashkiakun Erion Veliaj nga një sërë akuzash.

Dhe kjo linjë duket që po mbahet ende.

Denoncimi nga mediat

Biznesmeni Shkëlqim Fusha pronar i kompanisë ?Fusha SHPK? i ka paguar nënkryetarit të Bashkisë së Tiranës, Arbjan Maznikut një faturë në hotelin ?Alma Barcelona? në Barcelonë të Spanjës. Fatura është për 2 net dhe ka vlerën 1816 euro në total.

Sipas saj Mazniku do të akomodohej në hotel në 19 qershor 2018 dhe do ta linte atë në 21 qershor.

?Fusha Shpk? është përmendur shpesh nga opozita si një kompani e preferuar e bashkisë së Tiranës pasi ka marrë tendera miliona eurosh prej saj.

Vetëm për sheshin Skënderbej ajo ka marrë 22 milionë euro ndërsa është kompania të cilës i është premtuar ndërtimi i Teatrit të ri Kombëtar duke iu dhuruar hapësira e bashkisë pas tij ku do të ngrihen kulla shumëkatëshe biznesi.

Pak ditë më parë PD publikoi edhe një tabelë të tenderave që kompania Fusha shpk ka marrë nga qeveria dhe Bashkia Tiranë, plot 145 tendera.

Më poshtë po sjellim  faturat e shpenzimeve të Maznikut të paguara nga Shkëlqim Fusha dhe tabelën e tenderave që ka përfituar kompania “Fusha” nga Bashkia e Tiranës. Për opinionin publik ky është një skandal dhe dikush duhet të japë llogari, për Prokurorinë e Tiranës, duket se është diçka normale që s’ ka ende asnjë reagim./CNA.al

Luksi i Arbian Maznikut/ VOA “zbardh” Bashkinë e Tiranës

Gruaja tek Rama, vetë i shërben Veliajt/ Zbulohet borgjezi i vogël i Bashkisë së Tiranës

Zbulohet fatura/ Nënkryetari i Bashkisë së Tiranës, Mazniku, fle në hotele me 900 euro nata





Lajmet e fundit nga