web counter
LEXO PA REKLAMA!

SHKARKO APP

App Store
Google Play

"Keqardhje për të çmendurën E"/ Meta i "vërsul" Ramës zëdhënësin

3 Shtator 2019, 17:42, Politikë CNA

Zëdhënësi i Presidentit Ilir Meta, Tedi Blushi ka reaguar, pasi Komisioni i Ekonomisë refuzoi sot të rrëzonte Ligjet e kthyera nga Presidenti.

Me anë të një postimi në rrjete sociale, Blushi thotë se të çmendurit për t’i shpëtuar shiut, futen në pellg.

“Njësoj si e çmendura E., e cila u zhyt edhe sot në llumin e shpifjes, për t’i shpëtuar shiut të së vërtetës, duke lëshuar tymuesen e radhës, me shpresën se do largohet sadopak vëmendja nga keqperdorimi i Kuvendit për mbulimin e PPP-ve të paligjshme që u miratuan sot”, shkruan Blushi në rrjetet sociale, duke sulmuar kryeministrin Edi Rama.

Postimi i plotë:

Të çmendurit, për t’i shpëtuar shiut, futen në pellg. Njësoj si e çmendura E., e cila u zhyt edhe sot në llumin e shpifjes, për t’i shpëtuar shiut të së vërtetës, duke lëshuar tymuesen e radhës, me shpresën se do largohet sadopak vëmendja nga keqperdorimi i Kuvendit për mbulimin e PPP-ve të paligjshme që u miratuan sot:

Çmimi i dakordësuar midis palëve është 16,784,906 Euro, më i lartë se kostoja e projektit e publikuar nga vet autoriteti kontraktor për konkurim.

Për rrugën Milot Balldren Çmimi i dakordësuar midis palëve në vlerën prej 213 665 040 Euro plus TVSH është 52,165,040 Euro, më i lartë se kostoja e projektit e publikuar nga vet autoriteti kontraktor për konkurim.

Për t?i dhënë një mbrojtje këtij procesi të paligjshëm, dhe për të shmangur çdo përgjegjësi nesër, qeveria ka miratuar një rregull të ri, për t?ia kaluar përgjegjësinë Kuvendit, me qëllim amnistimin e gjithë procesit të zhvilluar në paligjshmëri të plotë.

Keqardhje për të çmendurën E., e cila pasi u përdor për të nxjerrë me këpucë të kuqe doganat, po ofrohet për t’i nxjerrë dritat e kuqe edhe ekonomisë kombëtare./CNA.al





Lajmet e fundit nga