Terror në spitalin e Fierit/ Zbulohet si nisi sherri, disa të shoqëruar

1 Shtator 2019, 07:12, Kronika CNA

Një ngjarje e rëndë ka tronditur qytetin e Fierit mbrëmjen e djeshme, ku një person ka hapur zjarr brenda ambienteve të spitalit, duke lënë të plagosur një person.

Policia doli me një reagim zyrtar rreth orës 23:00, ku sqaroi se sherri kishte nisur në Levan të Fierit, ku gjatë një konflikti mes dy familjeve janë dëmtuar me sende të forta dy shtetas G.ZH dhe D.Zh, ndërsa shtetasit K.L. dhe E.M. janë lënduar me mjet prerës. Të plagosurit u transportuan për në Spital, për ndihmë mjekësore.

Por, në Urgjencën e spitalit një prej shoqërueseve të të dëmtuarve i ka marrë armën e zjarrit nga brezi punonjësit të policisë, i cili po ndihmonte për të futur të plagosurit në Urgjencë dhe ka plagosur me armë zjarri një prej familjarëve të palës tjetër, shtetasin Aleksandër Zhapaj.

Ndërkohë, sot të tjera detaje kanë dalë në dritë në lidhje me ngjarjen në fjalë, ndërsa forca të shumta policore kanë blinduar spitalin e Fierit, dhe vijojnë kontrollet në të gjithë Levanin.

Deri më tani, policia ka shoqëruar në komisariat tre persona, si dhe vijon kërkimet për shoqërimin dhe kapjen e personave të tjerë të lidhur me ngjarjen. Ndërkohë, që janë ndaluar të gjithë personat e përfshirë në ngjarje. Sipas gazetarit Kuçi, në orët e mëngjesit është ndaluar edhe personi që ka qëlluar me armën e policit në ambientet e spitalit, një person me mbiemrin Braçe, emri i të cilit nuk bëhet i ditur.

Si nisi sherri:

Kanë qenë dy familje që kanë debatuar në një lokal të Levanit, afër Fierit. Ata janë konfliktuar me sende të forta dhe mjete prerëse, ku të plagosur kanë mbetur katër persona, Gentjan dhe Aldi Zhapaj me sende të forta, ndërsa Klajdi Lamaj dhe Afrim Muçaj me mjet prerës.-shkruan BW.

Aty ka mbërritur policia, e cila ka shoqëruar në spital, së bashku me familjarët, personat e plagosur. Me ta ka shkuar edhe personi, që ka arritur t?i marrë armën policit të patrullës dhe të plagosë babanë e dy vëllezerve Zhapaj, Aleksandër Zhapajn, i cili ndodhet jashtë rrezikut për jetën.

Ndërkohë, për hetimin e kësaj ngjarje Drejtori i Përgjithshëm i Policisë së Shtetit, Ardi Veliu, ka ngritur një grup të posaçëm hetimor me Specialistë të Hetimit të Krimeve të Rënda në Departamentin e Policisë Kriminale.

Njëkohësisht me urdhër të Drejtorit të Përgjithshëm të Policisë së Shtetit në vendngjarje kanë shkuar edhe specialistët e Drejtorisë së Standardeve Profesionale në Polici, për të verifikuar veprimet e punonjësve që ishin në momentet e para në Urgjencën e spitalit.

Nën drejtimin e Prokurorisë së Rrethit Gjyqësor Fier po vijon puna për zbardhjen e plotë të rrethanave të ngjarjes, motivit të konfliktit si dhe vënien para përgjegjësisë ligjore të personave përgjegjës.

PÃ«rplasja me armÃ« zjarri nÃ« spital/Reagon Policia