web counter
LEXO PA REKLAMA!

SHKARKO APP

App Store
Google Play

E fundit!

x

Përgjaken rrugët/ Katër të plagosur në dy aksidente

30 Gusht 2019, 17:22, Kronika CNA

Policia e shtetit ka dhënë informacion zyrtarë në lidhje me dy aksidentet e ndodhura pasditen e sotme në Korçë dhe Kolonjë.

Fillimisht u raportua për një aksident në Kolonjë ku dy automjete u përplasën me njëri-tjetrin duke lënë të plagosur njërin prej drejtuesve dhe një pasagjer.

Ndërkohë që pak më vonë në qytetin e Korçës, një automjet i cili lëvizte me shpejtësi të madhe mori para dy fëmijë duke i lënë të plagosur rëndë.

Njoftimi i policisë

Korçë/Informacion paraprak.

Në unazën e qytetit të  Korçës, shtetasi I.B., duke drejtuar mjetin tip “Nissan”, dyshohet se ka përplasur dy shtetaset A.R., 19 vjeçe dhe P.N., 10 vjeçe, (këmbësore në rrugë) të cilat u dërguan për mjekim në Spitalin e Korçës, ku ndodhen jashtë rrezikut për jetën.

Drejtuesi i mjetit ndodhet i shoqëruar në ambjentet e Komisariatit, ku po kryen veprimet e mëtejshme proceduriale.

————

Kolonjë/Informacion paraprak.

Në aksin rrugor Ersekë-Korçë, pranë vendit të quajtur “Fushorja e Selenicës”, janë përplasur mjeti tip “Ford” me drejtues shtetasin H.M., me mjetin  tip “Benz” me drejtues shtetasin G.M.

Për pasojë janë dëmtuar drejtuesi i mjetit tip Benz, shtetasi G.M., si edhe shtetasi M.C., (pasagjer në këtë mjet) të cilët janë transportuar për mjekim në Spitalin e Korçës.

Grupet hetimore, po punojnë për zbardhjen e rrethanave të ngjarjeve si edhe përcaktimin e shkaqeve të këtyre aksidenteve./CNA.al





Lajmet e fundit nga