web counter
LEXO PA REKLAMA!

SHKARKO APP

App Store
Google Play

E fundit!

x

A do ta shpëtojë drejtësia,Veliajn nga akuza për vrasjen e Ardit Gjoklajt

25 Gusht 2019, 10:37, Politikë CNA

Ardit Gjoklaj u gjet i pajetë në vitin 2016 në landfillin e Sharrës.  Për vrasjen e tij nuk ka kryer dënim askush.

Drejtësia ka luajtur me këtë ngjarje madje ka shkuar deri në atë pikë, duke aluduar se Gjoklaj mund të jetë vrarë jashtë landfillit të Sharrës dhe trupi i tij mund të jetë transportuar aty për të fshehur gjurmët.

Kjo hipotezë është shkruar në vendimin e Gjykatës së Shkallës së Parë, Tiranë në prill të vitit 2018.

Për mbulimin  e kësaj ngjarje të rëndë por edhe për vrasjen e Ardit Gjoklajt, në vijimësi nga shoqëria civile është akuzuar kryebashkiku i Tiranës, Erion Veliaj.

I pyetur nga CNA.al se të paktën a e vret ndërgjegjja për vrasjen e Arditit, Veliaj, është justifikuar duke përdorur organet e drejtësisë.

Por, a do ta shpëtojë drejtësia, Veliajn nga akuzat për vrasjen e Ardit Gjoklajt?

Në fakt, Veliaj duhet t’i japë llogari drejtësisë se çfarë bënte me ish kreun e Prokurorisë së Tiranës, Petrit Fusha.

Kujtojmë se ish-kryeprokurori i Tiranës Petrit Fusha, pas një takimi me Veliajn, dyshohet se e mbylli rastin tragjik të Ardit Gjoklajt por edhe disa raste të tjera.

Pra, Veliaj, duhet të japë llogari se çfarë pazaresh bënte me Petrit Fushën, kur kishte të paktën tre çështje si i pandehur në prokurori?

Edhe pasardhësi i  tij, Dritan Rreshka, i cili është shkarkuar nga Komisioni i Vettingut, nuk bëri asnjë hap në lidhje me këtë rast dhe rastet e tjera, duke lënë kështu në fuqi skandaliet e prodhuara nga paraardhësi i tij Petrit Fusha.

As Elizabeta Imeraj zëvendësuesja e Rreshkajt, nuk  ka prodhuar risi as me rastin Gjoklaj dhe as me të tjerat.

Ose janë zhdukur pjesët e dosjeve, ose as Imerajt nuk i intereson që të zbardhet e vërteta mbi vrasjen e Ardit Gjoklajt dhe jo vetëm, ose i dhimbset Erion Veliaj, ose kjo është kartë që e ndihmon të kalojë sa më lehtë Vettingun,

Skandali me dosjen e Ardit Gjoklajt

Prokuroria e Tiranës, në shkurt të vitit 2017, përfundoi hetimet  dhe dërgoi për gjykim dy persona të akuzuar se për shkak të shkeljes së rregullave në punë, kanë shkaktuar vdekjen e 17-vjeçarit Ardit Gjoklaj, i cili po punonte në landfillin e përpunimit të mbetjeve në Sharrë, ngjarje e ndodhur në datë 07.08.2016.

Në gjyq përfunduan vetëm Dëfrim Hakrama përgjegjës i firmës ?3R?  dhe fadromisti Edmond Kollari. Ata u akuzuan për shkeljen e rregullave në punë me pasojë vdekjen e adoleshentit.

Ndërkaq, drejtuesit e Bashkisë së Tiranës u lanë jashtë hetimeve. Dhe kjo u pa se nuk ishte aq e rastësishme, por u prodhua  nga takimi miqësor i ish-Kryeprokurorit të Tiranës Petrit Fusha dhe kryebashkiakut Erion Veliaj.

Në lidhje me këtë skandal, prokuroria në atë kohë, deklaroi  se hetimi për kompanitë dhe Bashkinë e Tiranës u veçua nga hetimi kryesor për vdekjen e Ardit Gjoklaj, për faktin se po përfundonin afatet e paraburgimit për dy personat e konsideruar përgjegjës për vdekjen e punëtorit, për të cilët përfundoi hetimi dhe u dërguan për gjykim.

Bilanci i hetimeve dhe gjykimit është se sot vrasja e Arditit është pa autor dhe vrasësit janë të lirë./CNA.al

Erion Veliaj si kapo-mafia e Shqipërisë

Foto Erion Veliaj- Petrit Fusha/ Gazetari i kronikës: Prokurori ka 5 dosje për kryebashkiakun

Video-fakt/ Si gënjeu Veliaj për Petrit Fushën dhe vrasjen e Ardit Gjoklajt

Mbylli dosjen e Ardit Gjoklajt dhe mbrojti Veliajn/ Petrit Fusha akuzohet egërsisht nga PD

“Duart me gjakun” e Ardit Gjoklajt/ Si tenton Veliaj të mbulojë skandalet e tij?

Nga vrasja e Ardit Gjoklajt, te kullat dhe korrupsioni/ Veliaj feston hajdutërinë





Lajmet e fundit nga