web counter
LEXO PA REKLAMA!

SHKARKO APP

App Store
Google Play

E fundit!

x

Pjesë e planit për copëtimin e  Kosovës/ Argatët shqipfolës dekorohen nga Vuçiç

25 Gusht 2019, 09:48, Politikë CNA

Ish kryeministri Sali Berisha ka njoftuar në rrjetet sociale se Presidenti i Serbisë Aleksandër Vuçi, pavarësisht dështimin për copëtimine  kufinjve të Kosovës, nuk ka ka harruar të shpërblejë ata që ishin pjesë e këtij plani.

Bëhet fjalë për Presidentin e Kosovës, Hashim Thaçi, kryeministrin Edi Rama dhe këshilltarine tij, Baton Haxhiu.

Sipas Berishës, treshja shqiptare është dekoruar me urdhërin “Esad Pashë Toptani”

“Miq, Presidenti i Serbisë dhe Serbomadhisë, Aleksandër Vuçiç shpalli dje për herë të dytë pas Samitit te Berlinit, falimentimin e projektit të tij të Serbisë së Madhe.

Ai akuzoi për këtë dështim Rada Trajkoviçin dhe Angela Merkel, të cilat sipas tij kishin njohur kufinjtë aktual të Kosovës. Por, burime afër tij pëshpërisin se Presidenti i Serbomadhisë Aleksander Vuçiç me gjithë dëshpërimin që e ka kapluar nuk ka harruar, por ka menduar edhe per argatët e tij.

Keshtu, në nje akt mirënjohje për shërbime të shquara ndaj projektit të Serbomadhisë, ai ka vendosur t?ju akordojë urdhërin e Kalorësit të zi Esad Pashë Toptani, Zografit Bis, Miladinit shqipfolës, argatit in chef Baton Stanishiqit”, ka shkruar Berisha në rrjetet sociale.

Sipas tij, ky urdhër i Serbisë, më i larti për argatët shqipfolës, shoqërohet dhe nga një pension i veçantë dhe një truall tokë për banesën e fundit ngjitur me atë të Esad Pashës./CNA.al





Lajmet e fundit nga