Krimi 30-vjeçar i politikës/ Ndregjoni: Dosjet e regjimit u përdorën për qëllime politike

24 Gusht 2019, 16:22, Politikë CNA

?Fatkeqësisht në ditët e sotme, bijtë e komunistëve e thonë me mburrje se janë të baballarëve të tyre ndërsa binjtë e të përndjekurve vijojnë të qëndrojnë me kokën ulur.? Kështu u shpreh Besim Ndregjoni, President i Unionit të të Përndjekurve Politik i ftuar në studion e lajmeve në FaxNews.

Sipas Ndregjonit në Ministrinë e Brendshme duhet të ndërtohet një muze për nderin dhe kujtimin e viktimave dhe të përndjekurve nga regjimi komunist.

?Në Ministrinë e Brendshme duhet të ndërtohet një muze për nderin dhe kujtimin e viktimave dhe të përndjekurve nga regjimi komunist, dhe nuk do të ishim ne të parët që do ta bënim, e ka bërë edhe Gjermania. Të rinjtë duhet të mësojnë mbi krimet që ka bërë sistemi më i rrezikshëm që ka njohur bota.

Kosova po kërkon nga Serbia gjetjen dhe kthimin e reth 1500 trupave të zhdukur gjatë luftës, që janë vrarë nga armiku i huaj ndërsa ne e kishim armikun e brendshëm, i cili vrau shumë më tepër se aq. Mbi 4 mijë viktima të komunizmit nuk kanë një varr.

Nëse krimi nuk ndëshkohet, ai është i prirur të përsëritet. Është investuar një sistem jo demokratik, një sistem që më shumë i bën dëm shoqërisë pasi çdo ditë shohim biznesmenë, qytetarë e njerëz të zakonshëm që vriten?, tha ai.

Duke folur më tej Ndregjoni tha se duke zbuluar këto krime do ta lëmë brezin e ri jo të ndarë dhe jo të përbuzur.

?Kryetari i Shtetit, Kryeministri, Kryetari i Kuvendit, të mos merren me luftën civile të Dibrës siç ndodhi dje, por të merren me hapjen e dosjeve dhe zbulimin e krimeve të të kaluarës. Duke zbuluar këto krime do ta lëmë brezin e ri jo të ndarë dhe jo të përbuzur.

Sepse sot pas kaq vitesh akoma përbuzet Mit?hat Frashëri, Ahmet Zogu, Mujo Ulqinaku etj. Dje i gjithë shteti shqiptar duhej të ngrihej dhe merrej me aktivitete. Duhet që i gjithë populli të jetë i sensibilizuar me familjet e viktimave. Duhet të bëjmë urgjentisht parcelën kombëtare të viktimave kundër regjimit. Çdo heshtje që mbulon krimin, e bën njeriun bashkëfajtor me të.

Nuk pat një plan kombëtarë që kur ra diktatura. Të përndjekurit poltik u përdorën për qëllime poltike. Dhe kjo bie mbi dy partit që kanë marrë pushtet, PS dhe PD. Këta parti duhet të bënin një platformë kombëtare, por i përodrën. Synimi i forcave poltike shqiptare, nuk ishte që ky të trajtohej si problem kombëtarë, por si problem poltik. theksoi Ndregjoni më tej./CNA.al