E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Falsifikim dokumentesh dhe trafik droge/ Ekstradohen nga SHBA dhe Gjermania dy persona

23 Gusht 2019, 11:12, Kronika CNA

Policia e Shtetit bën të ditur se mbrëmjen e djedhme është ekstraduar nga SHBA, një shtetas i dënuar në Shqipëri për falsifikim të dokumenteve.

Ky shtetas i dënuar dhe në SHBA, ku ka kryer 5 vite burg për veprën penale ?Vjedhja me armë, kryer në bashkëpunim?.

Z.Q.K. Interpol Tirana në bashkëpunim me Shërbimin Diplomatik të Sigurisë në Ambasadën e Shteteve të Bashkuara të Amerikës në Tiranë (DSS) ka ekstraduar nga SHBA-ja në Shqipëri shtetasin D.M, 32 vjeç, lindur në Elbasan.

Në aeroportin ?Nënë Tereza? me ndihmën e Agjencisë për Emigracionin dhe Doganave të Shteteve të Bashkuara të Amerikës (ICE-ERO), Shërbimi Diplomatik i Sigurisë në Ambasadën e Shteteve të Bashkuara në Tiranë (DSS), u ka dorëzuar specialistëve të Z.Q.K. Interpol Tirana 32-vjeçarin D.M.

Ky shtetas ka vuajtur dënimin në Shtetet e Bashkuara të Amerikës, pasi ka qenë i dënuar me 5 vjet burg nga Gjykata e Illinois/SH.B.A, me vendim penal nr. 10CR217, datë 11.05.2011, për veprën penale ?Vjedhja me armë, kryer në bashkëpunim?.

Sipas uniformavel blu, gjithashtu ky shtetas është shpallur në kërkim ndërkombëtar, pasi Gjykata e Rrethit Gjyqësor Tiranë e ka dënuar për veprën penale ?Falsifikimi i vulave, stampave ose formularëve?.

Ndërkohë, një tjetër shtetas është ekstraduar mbrëmjen e djeshme nga Gjermania.

Bëhet fjalë për shtetasin A. Xh., 21 vjeç, lindur në Gjoricë e Epërme, Dibër, i cili është i kërkuar për veprën penale ?Trafikim i lëndëve narkotike? në bashkëpunim, mbetur në tentativë.

Ky shtetas ishte i shpallur në kërkim, pasi Gjykata e Shkallës së Parë për Krimet e Rënda Tiranë me vendimin penal nr. 333, datë 15.07.2017, ka vendosur masën e sigurisë ?Arrest në burg? për veprën penale ?Trafikim i lëndëve narkotike? në bashkëpunim, mbetur në tentativë.

Në datë 29.04.2017 oficerët e policisë kufitare kanë sekuestruar 104,75 kg cannabis sativa, të cilën shtetasi A. Xh. ka tentuar ta trafikojë nëpërmjet kufirit tokësor drejt Maqedonisë së Veriut.

Interpol Tirana vijon bashkëpunimin me homologët për kapjen e personave në kërkim ndërkombëtar brenda dhe jashtë vendit, me qëllim përballjen e tyre me drejtësinë e vendeve të cilat i kanë shpallur në kërkim./ CNA.al