web counter
LEXO PA REKLAMA!

SHKARKO APP

App Store
Google Play

Koalicion i ri qeverisës apo zgjedhje?/ Presidenti italian nis konsultimet

21 Gusht 2019, 16:45, Kosova & Bota CNA

Presidenti i Italisë,Sergio Mattarella, filloi sot konsultimet për të parë nëse ekziston ndonjë mënyrë për krijimin e një qeverie tjetër koalicioni, pas dorëheqjes së kryeministrit Giuseppe Conte.

Presidenti  po shikon mundësinë nëse mund të shmangë shpërndarjen e Parlamentit tre vjet e gjysmë para afatit. Nëse jo, vendi do të zhvillojë zgjedhje të parakohshme në vjeshtë. Sikurse raportojnë mediat italiane dhe ato ndërkombëtare konsultimet pasojnë dorëheqjen e kryeministrit Giuseppe Conte, të cilën ai e njoftoi dje pasdite në dhomën e sipërme të Parlamentit së bashku me deklarimin sipas të cilit vendimi i partisë LEGA, që kërkon një votë mosbesimi ndaj qeverisë, e detyroi të ndërpresë mandatin. Conte akuzoi dtrejtëpërdrejtë udhëheqësin e LEGA-s, ministrin e Brendshëm, Matteo Salvini, për rrëzimin e koalicionit qeverisës për përfitime personale dhe politike, vlerëson radioja Zeri i Amerikës, sipas të cilës: zoti Salvini dhe partia e tij po paraqitet mjaft mirë në sondazhet e opinionit, me diçka më pak se 40 përqind. Politikat që ai ndjek kundër emigracionit i kanë shërbyer forcimit të pozitave të tij që kur erdhi në pushtet.





Lajmet e fundit nga