E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Marjana Kondi i përgjigjet Ramës/ Të vërtetën e tha përgjysëm

18 Gusht 2019, 18:49, Sociale CNA

Aktorja e mirënjohur Marjana Kondi ka përgënjeshtruar kryeministrin Edi Rama lidhur me qëndrimin e saj për çështjen e Teatrit Kombëtar.

Ajo shkruan se kryeministri e ka shtrëmbëruar qëndrimin e saj, duke e cituar jo plotësisht.

?Zakon i vjetër i politikës që në rastin më të mirë e thotë të vërtetën përgjysmë dhe kjo e bën atë të gënjeshtërt?, shkruan më tej aktorja e njohur ndërsa i kujton këtij të fundit se është larguar dhe nga puna vetëm sepse ka kërkuar kushte më të mira në Teatrin.

Reagimi i plotë

Unë vlej !

Jam aktorja dhe punonjësja e parë e cila në vitin 2014 reformoi Teatrin Kombëtar duke më larguar nga puna ( arsyet e së cilës i di vetëm drejtuesi i institucionit)

Jam aktorja që Shteti Shqiptar dëmshpërbleu me XX000000 lekë për largimin tim të padrejtë nga puna.

Jam aktorja që sot Kryeministri i Shqipërisë më dedikon një status në faqen e tij.

Jam aktorja që konsiderohem nga një Kryeministër Artist si një ndër artistet që ka mbledhur më shumë duartrokitje në skenën e Teatrit Kombëtar.

Shoh që jam cituar por jo plotësisht, zakon i vjetër i politikës që në rastin më të mirë e thotë të vërtetën përgjysmë dhe kjo e bën atë të gënjeshtërt. Kryeministri apo çdo palë politike duhet t’i citojë dhe referojë artistët në gjithë të vërtetën e tyre dhe e verteta ime është që pasi kam kërkuar kushte, më kanë larguar nga puna në teatrin kombëtar, pikërisht unë që Kryeministri thotë që jam duartrokitur shumë.

Jam distancuar nga debati për teatrin dhe do të përfshihem kur të shoh që mendimi i artistit vërtetë vlen për teatrin dhe jo për përdorim politik.

Unë vlej !

Vlej sa gjithë duartrokitjet e publikut tim./CNA.al