web counter
LEXO PA REKLAMA!

SHKARKO APP

App Store
Google Play

E fundit!

x

"Pushtimi" i bregdetit me bekimin e qeveritarëve/ Show apo plazhe të lira?

7 Gusht 2019, 07:54, Sociale CNA

Në vijim të opracionit ‘Plazh i lirë”, që po zhvillohet në kulmin e sezonit turistik, në bregdetin e  Durrësit janë liruar 2000 m2plazh i zaptuar në mënyrë të kundërligjshme.

Një aksion i tillë nuk ka ndodhur vitet e kaluara dhe situata nuk është përkëqësuar sot.

Shkatërrimi i bregdetit të Durrësit dhe Vlorës, zaptimi i plazhit ka ndodhur nën hundën e shtetit dhe askush nuk ka reaguar edhe kur qytetarët, kanë tentuar të kërkojnë një të drejtë që iu përket.

Por, siç duket vetëm tani janë “zgjuar” autoritetet përkatëse, ndërkohë që bregdeti është shkatërruar, pasi ndërtimet arrijnë deri në breg.

Plazhi i Durrësit është i masakruar dhe nuk dihet nëse ky aksion i Policisë është thjesht për show, apo do të zbatohen realisht masat e ndërmarra.

Gjithsesi, lajmi i mirë është se tashmë qytetarët, kryesisht ata që nuk kanë mudnësi financiare të mos privatin për të bërë plazh.

Njoftimi i policisë:

Durrës-Vlorë

Vijon operacioni “Plazh i lirë”

Policia e Shtetit vijon zbatimin e detyrave të përcaktuara në planin e posaçëm të masave për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore.

Në Durrës, lirohen rreth 2000 m2plazh i zaptuar në mënyrë të kundërligjshme.

Procedohen 12 pronarë subjektesh, nga këta 6 në Durrës e 6 në Vlorë, për veprat penale “Zënia e hapësirave publike”, “Fshehja e të ardhurave”, “Moslëshimi i kuponit tatimor”, “Punësimi i paligjshëm” dhe “Pushtimi i tokës”.

Policia e Durrësit në bashkëpunim me Policinë Bashkiake, kanë vijuar operacionin për lirimin e hapësirave publike, duke vënë në dispozicion të pushuesve rreth 2000 m2 plazh, pronë publike e zaptuar në mënyrë të kundërligjshme.

Policia ka proceduar penalisht 6 shtetas për veprën penale “Zënia e hapësirave publike”, ndëshkuar me parë edhe nga Policia Bashkiake.

Specialistët për Hetimin e Krimit Ekonomik e Financiar në Drejtorinë Vendore të Policisë Durrës, në bashkëpunimin me Task-Forcën e ngritur nga Prefekti i Qarkut Durrës dhe Policinë Bashkiake, në vijim të punës për monitorimin, kontrollin dhe goditjen e informalitetit, proceduan penalisht në gjendje të lirë shtetasit: L. B., F. B., O. D., F. R., A. C., S. B., të gjithë banues në Durrës.

Procedimi ndaj tyre filloi pasi nga kontrolli i ushtruar, u konstatua se këta shtetas kishin zënë me çadra plazhi, hapësirat publike në bregun e detit pa leje nga organet përkatëse.

– Në Vlorë në vijim të kontrolleve të subjekteve tregtare të cilat kanë zaptuar plazhet publike bregdetare në mënyrë të paligjshme, Policia ka proceduar penalisht 6 administratorë subjektesh në Radhimë dhe Himarë, konkretisht shtetasit B. D., P. K, M. K, M. Dh., S. Sh., A. Z.,

Policia ka nisur procedimet penale për secilin prej tyre, pasi nga kontrollet e ushtruara në subjektet tregtare në plazhet e Radhimës dhe Gjipesë, është konstatuar se këta shtetas kanë ushtruar aktivitetin “Plazh Privat” me mungesë të theksuar dokumentacioni, nuk lëshonin kupona tatimorë dhe nuk kishin kontratë qiraje me Bashkitë përkatëse.

Operacioni do të vijojë në gjithë zonën bregdetare, për të kthyer në dispozicion të qytetarëve çdo hapësirë publike të zënë në mënyrë të kundërligjshme, me qëllim fitimin./CNA.al





Lajmet e fundit nga