web counter
LEXO PA REKLAMA!

SHKARKO APP

App Store
Google Play

Pse nuk keni sy për të parë dhe veshë për të dëgjuar?/ Meta 'zgjohet" me paralajmërim

3 Gusht 2019, 07:08, Politikë CNA

Presidenti Ilir Meta po ndjek hapat e kryeministrit Edi Rama duke u  “zgjuar” në rrjete sociale.

Me anë të një postimi në rrjete sociale, mëngjesin e sotëm, Meta ka shtruar një pyetje, rreth krizës politike.

“Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?”, pyet Presidenti Meta.

Ai shkon më tek duke paralajmëruar se kriza aktuale politike, do të çojë në dështimin e çeljes së negociatave me 18 Tetor.
“Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike:

Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?

Kaq të domosdoshëm e keni dështimin e çeljes së negociatave për vendin tonë në 18 tetor?”, shkruan Meta në rrjete sociale./CNA.al





Lajmet e fundit nga