web counter
LEXO PA REKLAMA!

SHKARKO APP

App Store
Google Play

U ekzekutua me armë në derë të shtëpisë/ Zbardhen detajet nga ngjarja e rëndë në Durrës

1 Gusht 2019, 12:09, Kronika CNA

Zbardhen detajet e ngjarjes së rëndë në qytetin e Durrësit mesditën e sotme. Ngjarja ka ndodhur në lagjen nr. 18 pranë Kryqit të Kuq, ku viktima është 40-vjeçari, Feriz Bardhi banues në Shën Vlash, Durrës.

Burime bëjnë me dije se persona të paidentifikuar kanë ekzekutuar me armë zjarri tip automatik në derë të shtëpisë 40-vjeçarin, i cili edhe pse u dërgua me shpejtësi i plagosur në spital, nuk mundi që të mbijetonte duke ndërruar jetë.

Nuk dihen të plota shkaqet që çuan në ndodhjen e ngjarjes së rëndë, ndërkohë policia ndodhet në vendin e ngjarjes dhe po heton për zbardhjen e rrethanave të plota të këtij krimi./ CNA.al

Njoftimi i policisë:

Durrës/Informacion Paraprak

Më datë 01.08.2019, rreth orës 12:55, në lagjen Nr.18, Durrës, persona të paidentifikuar kanë plagosur  me armë zjarri shtetasin F.B.,40 vjeç, banues në Shën Vlash, Durrës, i cili u transportua në Spital ku dhe ka ndërruar jetë.

Në vendngjarje ka shkuar grupi hetimor  ku vijon punën për zbardhjen e rrethanave të ngjarjes.

Policia ka ngritur pika kontrolli dhe po punon intensivisht për identifikimin dhe kapjen e autorëve të kësaj ngjarje.





Lajmet e fundit nga