E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Tentoi të pastronte paratë jashtë vendit/ Zbardhet emri i ish drejtorit që iu sekuestruan 1.5 milion euro

1 Gusht 2019, 10:34, Kronika CNA

Ish drejtorit të ALUIZNI-t për rajonin e Tiranës në vitet 2006-2011, Ferdinand Shehu i janë sekuestruar 1.5 milion euro.

Policia njoftoi mëngjesin e sotëm se Shehu, nëpërmjet një banke private, ka tentuar transferimin e 1 milionë eurove jashtë vendit, me justifikimin për investime financiare, ndërkohë 500 000 Euro të tjera i ka vendosur në depozitë me afat.

Shehu ka qenë drejtor për Tiranën në Agjencinë e Legalizimit, Urbanizimit dhe Integrimit të Zonave Urbane në kohën e qeverisjes së Partisë Demokratike, në kohën kur ALUIZN-i drejtohej nga Shaban Memia.

Policia, në bazë të dyshime dhe informacioneve të grumbulluar se Shehu është i përfshirë në një aferë pastrimi parash ka bërë të mundur finalizimin me sukses të operacionit policor të koduar “Investimi”.

Sipas Policisë, Shehu ka kryer vepërn penale të pastrimit të parave duke kryer disa investime në pasuritë e paluajtshme.

Ndërkohë, Shehu nuk është prangosur dhe policia e porkuroria kanë proceduar vetëm me sekuestrimin e parave.

“Në vijim të punës për gjurmimin, evidentimin dhe sekuestrimin e pasurive të paluajtshme dhe të shumave financiare, që dyshohet se janë përfituar nga burime të paligjshme, Drejtoria për Hetimin e Krimeve Ekonomike e Financiare në Departamentin e Policisë Kriminale, në bashkëpunim me Seksionin për Hetimin e Pastrimit të Parave, në Drejtorinë Vendore të Policisë Tiranë, nën drejtimin e Prokurorisë së Rrethit Gjyqësor Tiranë, finalizoi operacionin policor të koduar “Investimi”, për sekuestrimin e 1 500 000 euro llogari bankare, të një shtetasi, ish – punonjës i administratës shtetërore i cili në vitet 2006 – 2011 ka mbajtur funksione zyrtare në Agjencinë e Legalizimit, Urbanizimit dhe Integrimit të Zonave Urbane.

Ky shtetas dyshohet se ka konsumuar veprën penale ?Pastrimi i produkteve të veprës penale?, parashikuar nga neni 287 i Kodit Penal, duke kryer disa investime në pasuritë e paluajtshme.

Kohët e fundit, nëpërmjet një banke private, shtetasi i lartpërmendur ka tentuar transferimin e 1 milionë eurove jashtë vendit, me justifikimin për investime financiare, ndërkohë 500 000 Euro të tjera i ka vendosur në depozitë me afat.

Për arsye se hetimet janë në vijim, nuk mund të jepen të dhëna të tjera.”, thuhet në njoftimin e Policisë./CNA.al