web counter
LEXO PA REKLAMA!

SHKARKO APP

App Store
Google Play

E fundit!

x

Emigrimi merr përmasa të frikshme/ Rritet numri i të larguarve nga Shqipëria

28 Korrik 2019, 06:27, Sociale CNA

Shqiptarët nuk e shohin të ardhmen e tyre në Shqipëri.  Pasi shkollohen dhe specializohen emigrojnë në kërkim të një jete më të mirë.

Faktorët që i detyrojnë shqiptarët të emigrojnë janë disa, duke nisur nga kushtet e punës, pagat e ulëta dhe mungesa e perspektivës

Sipas statistikave, në disa sektorë të ekonomisë dhe në disa profesione, si në shëndetësi, call center, rrobaqepësi, këpucari, ndërtim, etj., njerëzit janë më të prirë të migrojnë, shkruan shqiptarja.com.

Bëhet fjalë për punonjës, të cilët në Shqipëri kanë një specializim, që iu mundëson gjetjen më lehtë të një pune jashtë vendit, duke filluar nga zotërimi i një gjuhe të huaj, deri tek specializimi si mjekë apo infermierë, etj.

Sipas disa anketimeve të fundit, tek punonjësit e call center, që përgjithësisht janë me universitet ose vazhdojnë studimet dhe përgjithësisht zotërojnë një gjuhë të huaj, 85% e të anketuarve pohuan se duan të ikin.

Gjithashtu, këtë e pranojnë edhe 75% e infermierëve, 56% e punonjësve në sektorin e ndërtimit, 53% e rrobaqepësve dhe 38% e atyre që punojnë në fabrikat e këpucëve.

Si pasojë, aktualisht në vend industria fason, bujqësia dhe turizmi kanë filluar të vuajnë më së shumti mungesën e punonjësve. Por ankesa janë vërejtur në të gjithë sektorët, sidomos në shërbimet publike të mjekësisë.

Në vështirësi për punonjës janë edhe bizneset e fasonit në Shkodër, Durrës, Korçë, Librazhd apo Pukë.





Lajmet e fundit nga