web counter
LEXO PA REKLAMA!

SHKARKO APP

App Store
Google Play

E fundit!

x

“Nuk heq dorë nga vesi”/ Ish deputeti “shuplakë” Ramës

14 Korrik 2019, 16:24, Aktualitet CNA

Ish deputeti i LSI-së Shezai Rrokaj, ka folur për situatën politike në vend dhe votimet e 30 qershorit.

I ftuar në News 24, ish deputeti i LSI tha se është provuar tashmë se në Shqipëri vidhen votat ndërsa mazhoranca ka kapur thuajse të gjitha pushtetet.

?Situata është e tillë që kemi maxhorancë që ka kapur thuajse gjitha pushtetet. Dëshiron të kapë pushtetin e presidentit, ndërsa do të kapë edhe mediat, gjyqësorin, të gjitha pushtetet i do për vete.

Kemi opozitë e cila thotë se zgjedhjet e 2017 ishin të vjedhura dhe doli se edhe më 30 qershor, vesi i maxhorancës nuk u ndal, pasi kishte më shumë vota sesa fletë kutie. Pushtetet nuk janë më legjitime.

Opozita ka arritje tjetër. Opozita mund të thotë se qytetarët iu përgjigjen thirrjes së saj për të mos marrë pjesë në votime. Opozita ka fituar?, tha Rrokaj.

Më tej ai u pyet edhe nëse do të ketë një dialog të mundshëm me opozitën, ndërsa u shpreh se dialogu që kërkon Rama, nuk shërben për asgjë, ndaj dhe protestat duhet të vijojnë.

?Maxhoranca u mor vetëm me opozitën. Një maxhorancë që merret me opozitën, siç shikon narcistin që sheh veten, tregon se ka dështim. Protestat duhet të vijojnë, sepse maxhoranca nuk ka bërë punën e vet. Dialogu për çfarë duhet? Çfarë dialogu duhet të bëhet? I takon opoziotës të bëjë dialogun.

Dialogu që kërkon Rama nuk shërben, prandaj ne nuk ulemi dot. Dialogun duhet ta bëjë forca politike që kërkon ndryshimin?./CNA.al

 

 

 





Lajmet e fundit nga