web counter
LEXO PA REKLAMA!

SHKARKO APP

App Store
Google Play

E fundit!

x

Ushtronte aktivitet të paligjshëm të lojërave të fatit/ Procedohet penalisht 43-vjeçari

12 Korrik 2019, 15:03, Aktualitet CNA

Policia e Tiranës vijon kontrollet për evidentimin dhe ndëshkimin e personave që ushtrojnë në mënyrë të fshehtë aktivitetin e paligjshëm të lojërave të fatit.

Mësohet se sot është proceduar penalisht në gjendje të lirë një 43-vjeçar, i cili ushtronte aktivitetin në kundërshtim me ligjin. Për këtë rast janë sekuestruar në cilësinë e provës materiale 11 monitorë me tastiera të markave të ndryshme, një njësi kompjuteri dhe një pajisje interneti.

Njoftimi i policisë

Policia e Tiranës vijon kontrollet në të gjithë qarkun për evidentimin dhe ndëshkimin  e atyre personave që vijojnë ende të ushtrojnë aktivitetin e kundraligjshëm të lojërave të fatit.

Procedohet penalisht 1 shtetas për veprën penale ?Vënia në dispozicion e lokaleve për lojëra të palejuara? dhe ?Organizimi i llotarive të palejuara? Sekuestrohen në cilësinë e provës materiale 11 monitorë me tastiera të markave të ndryshme, një njësi kompjuteri dhe një pajisje interneti.

Nga Specialistët për Hetimin e Krimit të  Komisariatit të Policisë Nr 4, filloi  procedimi penal në gjëndje të lirë për shtetasin:

? F. Z., 43 vjeç, banues në Tiranë.

Gjatë kontrollit të ushtruar në lokalin nën administrimin e shtetasit F. Z në rrugën ?Don Nikoll Marku?,  u gjetën 11 monitorë me tastiera të markave të ndryshme, një njësi kompjuteri dhe një pajisje për shpërndarje interneti që shërbenin për të ushtruar veprimtarinë e lojrave të fatit të cilat u sekuestruan në cilësinë e provës materiale.

Kontrolle kundër aktivitetit  të paligjshëm të lojrave të fatit,do të vijojnë në të gjithë qarkun e Tiranës,me qëllim parandalimin,evidentimin dhe ndëshkimin e ktij aktiviteti të kundraligjshëm. Policia e Shtetit fton qytetarët që të denoncojnë në numrin 112 ose përmes aplikacionit ?Komisariati Dixhital?, çdo veprimtari të këtillë të kundraligjshme./CNA.al

 





Lajmet e fundit nga