"99-shi i Lalit në KPK"/ Hije dyshimi, Veliaj kontrollon Vettingun

12 Korrik 2019, 13:48, Aktualitet CNA

Vettingu është kthyer në kryefjalën e ditës. Pastrimi i sistemit të drejtësisë nga të korruptuarit dhe të inkriminuarit pritet t’i hapë rrugën Shqipërisë për në BE.

Këtë proces po e kryejnë Komisioni i Pavarur i Kualifikimit dhe Kolegji i Posaçëm.

Janë këto dy komisione që vlerësojnë nëse një gjykatës apo një prokuror, duhet të mbetet apo jo në sistemin e drejtësisë.

Po, kush i kontrollon këto komisione, anëtarët e të cilëve nuk kanë kaluar në Vetting publik si gjyqtarët dhe prokurorët.

Sa të denjë janë ata për të ngritur të ashtuquajturën drejtësi të re dhe sa të lirë janë nga politika që i ka zgjedhur?

Një numër jo i vogël i anëtarëve kanë lidhje të pastra politike me sistemin e Rilindjes.

Një prej anëtarëve të Komisionit të Pavarur të Kualifikimit që bën Vetingun e gjykatësve dhe prokurorëve, ka qenë kandidat për deputet në koalicionin e majtë në vitin 2009, në Shkodër, nën siglën e G99.

Anëtari i KPK -së, Roland Ilia ka dalë, gjiri i G99 i Erion Veliajt, ka përfunduar në Komisionin e Pavarur të Kualifikimit.

Ilia ka qenë kandidat për deputet në koalicionin e majtë në vitin 2009, nën siglën e G99, por kjo e fundit dështoi pasi nuk mori asnjë mandat.

Pas dështimit spektakolar, Roland Ilia ka punuar si avokat dhe pedagog në Shkodër, derisa erdhi koha për t?i hyrë sërish në punë Veliajt dhe Partisë Socialiste, ku ai bën pjesë aktualisht.

Kaloi filtrat e Kuvendit, apo filtrat e lidhjes me Veliajn dhe Rilindjen?

Komisionerët e Vettingut duhet të jenë depolitizuar, por për anëtarin e KPK -së, Roland Ilia, nuk mund të thuhet një gjë e tillë.

Ka dyshime që Veliaj nëpërmjet tij kontrollon sistemin e Vettingut. Gjyqtarët dhe prokuroët e preferuar të Veliajt, dyshohen se favorizohen nëpërmjet anëtarit të KPK-së , Roland Ilia, i cili është bërë pjesë e Komisoonit në kundërshtim me ligjin.

Duke qenë se në vitin 2009 ka kandiduar për deputet në siglën e G99 të Veliajt në kohën që ky i fundit ishte në koalicion me Partinë Socialiste dhe sot është pjesë e KPK, do të thotë që Ilia, po jep vendime për gjyqtarë e prokurorë, në mënyrë të kundërligjshme, vetëm e vetëm në sajë të lidhjeve politike që ka.

“Anëtar i Komisionit dhe gjyqtar i Kolegjit të Apelimit zgjidhet shtetasi shqiptar që plotëson kriteret e mëposhtme:…nuk ka ushtruar funksione politike në administratën publike ose nuk ka mbajtur pozicione drejtuese në një parti politike gjatë 10 viteve të fundit”, , thuhet në neni 6 mbi kriteret e zgjedhjes së anëtarëve të institucioneve të rivlerësimit, të Ligjit, për rivlerësimin e gjyqtarëve dhe prokurorëve Nr. 84/2016.

Në vitin 2017 janë përzgjedhur anëtarët e Komisionit të Vettingut, pra, pa u bërë ende dhjetë vite nga koha kur Ilia kishte garuar për deputet dhe kur angazhohej në politikë.

Nëse ai do të justifikohet se nuk ekziston më G99, e ka gabim , pasi ekziston Veliaj. Thënë më qartë, G99 dhe të njëjtët njerëz janë shkrirë në PS.

Mjafton ky fakt, për të ngritur dyshime se Vettingu po kontrollohet edhe nga kryebashkiaku i Tiranës Erion Veliaj.

Për të qenë trasnparent ne jemi të hapur edhe për versionin e Veliajt, nëse Ilia është apo jo “gogla” e tij në KPK./CNA.al

Nga dështimi në G99 tek Komisioni i Vettingut/ Si ka ndryshuar pasuria e Roland Ilias