web counter
LEXO PA REKLAMA!

SHKARKO APP

App Store
Google Play

Mbyllet mbledhja e PD/ Basha flet për pazare

12 Korrik 2019, 11:53, Aktualitet CNA

Kreu i PD-së, Lulzim Basha, ka zhvilluar sot një mbledhje të grupit dhe kryesisë së Partisë Demokratike.

Basha mësohet të ketë thënë se: ?zgjedhje të lira me Edi Ramën nuk ka?, ndërsa ka sqaruar edhe njëherë se nuk do të ulet në tavolinë për dialog me kryeministrin Edi Rama, duke folur edhe për pazare, ndërsa thotë se: ?kjo krizë nuk do të mbyllet me pazar mes PD dhe PS?.

?Kjo krizë nuk mbyllet me pazar mes PS-PD, siç po flasin mercenarët e Ramës. Kriza zgjidhet me parime. Parimi i parë, është fundi i pandëshkueshmërisë i atyre që kanë vjedhur votat. Për këtë duhet drejtësi e pavarur, por drejtësi me Ramën kryeministër nuk ka për të pasur. 30 qershori është dërrmimi më i madh politik dhe moral i ndonjë pushteti në këto 30 vjet. U faktua ajo që ne paralajmëruam: Është varreza politike e Edi Ramës. Duhet të jemi të qartë në mesazhet tona: Nuk ka kthim pas. Nuk ka ulje në tavolinë me Edi Ramen, me njeriun që vjedh zgjedhjet. Zgjedhje të lira me Edi Ramën nuk ka. Synimi ynë është largimi i tij, është qeveria tranzitore, është krijimi i kushteve për zgjedhje të lira e të ndershme.Do të vazhdojmë aksionin politik, do të vazhdojmë protestat.Është koha të bëhemi gati që përveç protestës, të shpalosim bashke me njerëzit alternativën, që shumicën Rama ik, shumicën që kërkon ndryshim ta kthejmë në një mazhorancë politike dhe qeverisëse?, ka thënë Basha ndër të tjera./CNA.al





Lajmet e fundit nga