web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshje e fshehtë PS-PD?/ Ish deputeti tregon objektivin e opozitës

12 Korrik 2019, 17:56, Aktualitet CNA

A po përgatitin dy partitë kryesore PS-PD, një marrëveshje të re politike, aq shumë të përfolur nga analistët,komentatorët politikë e gjithologët, si të domosdoshme për të zgjidhur krizën e rendë, që prej kohësh po sundon vendin?

Ka qenë kjo një prej pyetjeve që moderatori i rubrikës ?Opinion?, në TV “News 24″, i’a ka adresuar ish deputetit të PD-së, Edmond Spaho, të qenë prezent në studio.

?Ky është një spekulim i pastër që vjen nga rrethet e kryeministrit Edi Rama. Për të dalë nga kjo situatë hedhin shashka të tilla, por qëllim ynë është i qartë: nuk kemi hyrë  në këtë betejë për pazare dhe interesa të ngushta, por kemi hyrë për mbajtjen e zgjedhjeve të lira dhe të ndershme. Kushti i parë është që të dënohen ata që kanë futur dorën në zgjedhje. Sot ka fakte se sa herë ka zgjedhje, Rama fut duart në procesin zgjedhor”, është përgjigjur Spaho.

Ish deputeti, në vijim të dhënies së argumentave që e bëjnë të pamundur uljen dhe marrëveshjen tha:

“Një dialog e bëmë në 2017, e kishim kërkesën që me Ramën nuk shkojmë në zgjedhje, por shkuam dhe rezultati tregoi se ai manipuloi zgjedhjet. Si kryetar i PS, por jo si kryeministër është e drejtë e tij të jetë në tryezën e partive politike. Pazar me Edi Ramën nuk ka pasur dhe nuk do të ketë. Rama me kokëfortësi kërkon të marrë të gjitha pushtetet. Ai po ecën në këtë rrugë. Edhe shtypi ndërkombëtar mbështet opozitën dhe ushtron presion për ndryshime të shpejta dhe substanciale në tërësi”./CNA.al





Lajmet e fundit nga