Udhëheqësit agrogango të opozitës vazhdojnë me marrëzinë e tyre

10 Korrik 2019, 21:16, Aktualitet CNA

Nga Arian Galdini

– Kur nisi kjo historia e luftës, dhunës, krehjes, tërheqjes zvarrë, e gjithfarë ultimatumesh që leshoheshin nga liderë të Opozitës Zyrtare, ndaj Ramës dhe Qeverisë, unë ju thashë me zë e figurë:

Po gaboni. Nuk është kjo gjuha e duhur në demokraci. Nuk edukohet qytetari me dhunë, kërcënime, kërcëllitje dhëmbësh, mllef dhe urrejtje.

Qytetari edukohet dhe udhëhiqet me parimësi, vlera dhe rezistencë demokratike.
Pa dhunë, pa gjuhë mllefi, banale, sharjesh dhe urrejtjeje.

Ju thashë miqve të mij në Opozitë, se e gjitha kjo do dështojë.

Dhe dështoi.

Asokohe më quajtën tradhëtar, të shitur, komunist, mercenar të Edi Ramës, e lloj lloj broçkullash e ligësishë.

Në 5 a 6 muaj humba shumë po shumë miq.

Nuk ka problem, nuk i dua më në jetën time.

Nuk do ti pranoj më në jetën time.

Fare por fare, fare.

Sot lexoj e dëgjoj, se çfarë u kam thënë e shkruar unë para 6 muajsh, po e thonë me gojën e tyre liderët e Opozitës…

Tani dikush duhet ta mbledhë mendjen në këtë vend…

Nuk mund të jenë të njëjtët ata që thërrasin për ditë finale, për fjalë të mbaruara, për popullin që tejkalon partinë, për krefje e tërheqje zvarrë, për revolucion e dhunë, e sot na bëjnë si dashnorë të paqes…

Jo. Nuk mund të jenë të njëjtët.

Udhëheqës të tillë janë qesharakë sepse 5 muaj rresht thërrasin e buçasin për dhunë, e pasi i tredhin dhe ua çojnë në plazh revolucionin turistik, me një telefonatë anglisht, po këta udhëheqës flasin për paqen pasi ua ka qullur deti breçkat dhe nxirë lëkurën deti…

Nëse ka ndjekës që u besojnë po këtyre udhëheqësve, më vjen keq por faji nuk është i udhëheqësve por i ndjekësve që u besojnë verbërisht…

Kur unë shkruaja e thoja me zë e figurë e shkrime, se djegia e mandateve dhe bojkotimi i zgjedhjeve dhe revolucioni turistik nuk janë kundër Ramës e nuk i bëjnë dëm Ramës, por përkundërazi, e fuqizojnë Ramën dhe neve si Opozitë na vendosin përballë Perëndimit, kundër Perëndimit, mu turrën me qindra çakej ndër ta edhe shumë ish miq, duke më sharë, fyer, mallkuar.

Më quajtën komunist, tradhëtar, mercenar të Edi Ramës, të shitur tek Edi Rama, e ku di unë çfarë ligësishë e maskaralliqesh të kësollojshme.

Ja ku jemi sot.

Janë vetë Udhëheqësit e Opozitës që po flasin për nevojën e një trajektoreje opozitare proEuropiane, pro SHBA, pro Perëndim.

Epo nuk mund të jenë të njëjtët Udhëheqës qesharakë që bëjnë si Agrogango nëpër foltore revolucioni turistik, e pasi tridhen dhe u shkon revolucioni turistik ne plazh nga një telefonatë anglisht, e dredhin 180 gradë dhe fillojnë e flasin po të njëjtët për Pro Europianizëm, Pro Amerikanizëm, e Pro Perëndim.

Këta Udhëheqës Agrogango qesharakë, edhe mund ta bëjnë sepse janë të pacipë e pa bojë.

Por faji nuk është me i tyre.

Faji është i ndjekësve që u besojnë verbërisht.

Tani ja ku jemi.

Udhëheqësit Agrogango të Opozitës vazhdojnë përsëri me marrëzinë e tyre.

Sapo kanë hyrë në fazën e tretë të qesharakësisë.

Revolucionarët turistikë, bëjnë lojëra me fjalët dhe aritmetikë votash…

Jo nuk ishin zgjedhje, po ishin votime.

Jo po 85% apo 90% e shqiptarëve e refuzuan Ramën…
BLA BLA BLA BLAAAAA…

Politika funksionon mbi fakte dhe pushtet ose politik e institucional ose pushtet moral.

Fakti është që Edi Ramës, këta Udhëheqësit Agrogango të Opozitës i kanë dhuruar 61 Bashki dhe një Aleancë të pamerituar me Perëndimin.

Edi Rama është një plaçkaxhi oriental, skandaloz, i korruptuar deri në fyt, kontraktor i krimit dhe mafias, mashtrues i pamatë, dhe sot nuk duhej të ishte më as KM.

Por ja që Agrogangot e Opozitës e fuqizuan çmendurisht dhe paradoksalisht, kur ai duhej të ikte.

Tashmë KM i Mafias Estetike Edi Rama, ka çdo pushtet falë Agrogangove të Opozitës.

Por a e kanë këta Agrogangot Udhëheqës të Opozitës pushtetin moral?

Jooooooo…

As që bëhet fjalë.

Tani ajo që do të ndodhë është e pashmangshme.

SHBA dhe BE do ti spastrojnë të gjithë këta.

Edhe këtë Mafiozin në krye të Qeverisë edhe këta Agrogangot në Udhëheqje të Opozitës edhe Vojo Kushin sigurisht.

Do të ikin të gjithë.

Koha e plaçkaxhinjve ka mbaruar.

Për ta do fillojë Drejtësia.

Për shqiptarët po vjen Perëndimi dhe koha e të papërlyer.