web counter
LEXO PA REKLAMA!

SHKARKO APP

App Store
Google Play

Valdrin Pjetri i përgjigjet Ademit/ Pres një shtrëngim duarsh

9 Korrik 2019, 12:42, Aktualitet CNA

Një ditë më parë, kryebashkiakja në detyrë e Shkodrës, Voltana Ademi i nisi një letër ambasadorëve të huaj në Shqipëri, duke iu kërkuar të ngrinin një komision ndërkombëtar, në mënyrë që të dorëzonte detyrën te pasardhësi i saj.

Ndërkohë, në lidhje me këtë kërkesë të Ademit ka ardhur reagimi i kryebashkikaut të sapo zgjedhur për këtë Bashki, Valdrin Pjetri. Ky i fundit, gjatë një komunikimi me gazetarët paraditen e sotme, është shprehur se nuk ka përse kërkon ndërhyrjen e ndërkombëtarëve sepse pas vendimit te gjykatës do të duhet ta liroje zyrën.

?Nga ndërkombëtarët Ademi s?ka pse kërkon ndërhyrje. Ademi pas vendimit të gjykatës do të duhet ta lirojë zyrën. Asgjë nuk na pengon për të marrë zyrën e Bashkisë. Voltana Ademi duhet të lirojë zyrën e Bashkisë?, u shpreh ai.

Më te, Pjetri tha se ajo që pret është një shtrëngim duarsh me Voltana Ademin. Por edhe nëse ky gjest nuk ndodh, duke marrë parasysh kundërshtimin që i ka bërë Ademi procesit zgjedhor të 30 qershorit, kjo nuk do ta pengojë Pjetrin të nisë detyrën e tij.

?Unë pres nga ana qytetare një shtrëngim dore nga zonja Ademi, gjithsesi kjo nuk na pengon të ecim para dhe të marrim bashkinë e Shkodrës?, u shpreh Valdrin Pjetri.

I pyetur nga gazetarët nëse do të përdorë policinë nëse kryebashkiakja në ikje Ademi nuk liron zyrën, Pjetri u përgjigj: Ç?punë kam unë me policinë është vendim gjykate, ka përmbarues./ CNA.al





Lajmet e fundit nga