web counter
LEXO PA REKLAMA!

SHKARKO APP

App Store
Google Play

Plas sherri tek “Ligjet” për pallatin e Bashës/ Përplasen Manja dhe Fino

9 Korrik 2019, 10:25, Aktualitet CNA

Mbledhja e sotme e Komisionit Parlamentar të Ligjeve, ku po raportonte Avokati i Shtetit, Artur Metani, është shoqëruar me debate të forta.

Mësohet se shkak për debatet është bërë pallati i vjehrrit të Lulzim Bashës në Vlorë, për shembjen e të cilit shteti shqiptar duhet të paguajë rreth 16 milion euro.

Bashkim Fino iu drejtua Avokatit të Shtetit, Artur Metani me një pyetje përsa i përket vendimit të Gjykatës së Strasburgut mbi pallatin e familjarëve të Lulzim Bashës në Vlorë.

?Çfarë mendimi ka Avokati i Shtetit për mbrojtjen me të cilën është prezantuar Shqipëria me rastin “Sharrxhi kundër shqipërisë”? A ka qënë një çështje e humbur apo një çështje e shitur??-iu drejtua Fino, Metanit.

Në përgjigje të tij, Metani iu drejtua Finos duke e quajtur ?zoti deputet?.

Por kjo ka nevrikosur Bashkim Finon, i cili tha se kishte 22 vite deputet dhe se Avokati i Shtetit iu drejtua deputetëve të rinj në emër dhe me respekt, ndërkohë që atë e quajti ?zoti deputet.

?Për etikë, më quajnë Bashkim Fino, jam deputet i PS-së, kam 22 vite në Parlament dhe shpresoj që siç di emrin e disa deputetëve, që riashtaz kanë ardhur të rinj dhe të cilët i vlerësove, të më vlerësosh dhe mua me këtë etiketë. Vetëm për çështjen që fole, nuk kam dëshirë?, tha Fino.

Avokati i Shtetit, Artur Meta, ka thënë se çështja në fjalë ?Nuk është dhe objekt i raportimit?.

Më tej, sherri ka vijuar mes Finos dhe kreut të Komisionit tyë Ligjeve, Ulsi Manjës.

?Ti duhet të mbash qëndrim si kryetar i Komisionit për këtë gjë?, tha Fino.

Por, Manja i është përgjigjur keq Finos, duke i thënë ?Gishtin mos ma drejto mua, se nuk jam shoku jot unë?./ CNA.al

Miliona euro për pallatin e vjehrrit të Bashës/ Përmeti ?vë me shpatulla pas muri?, Metanin





Lajmet e fundit nga