E fundit!

11:01 Aktualitet

Klodjan Braho mesazh të qartë politikës: Për SPAK të gjithë janë të barabartë para ligjit

Kreu i SPAK Klodjan Braho i ka përcjellë mesazhin e qartë ...

SPAK në errësirë/ KLP nuk heq dorë nga skandalet

8 Korrik 2019, 12:39, Aktualitet CNA

Këshilli i Lartë i Prokurorisë ka zhvilluar sot katër intervistat e para me kandidatët për SPAK-un.

Drejtuesi i Prokurorisë së Apelit Altin Dumani, prokurori i Krimeve të Rënda Anton Martini, prokurori i Prokurorisë së Përgjithshme Arben Kraja dhe drejtuesja e Prokurorisë së Durrësit Anita Jella u morën sot në pyetje.

Intervistat do të vijojnë dhe ditët në vijim deri me datë 12 korrik, kur do të pyeten kandidatët e fundit.

E gjithë kjo procedurë po zhvillohet në errësirë. Mediat nuk janë lejuar të marrin pjesë me pretendimin se ka gjëra që nuk duhen bërë publike.
Në fakt as vetë KLP, nuk i përmbush kushtet për të zgjedhur , prokurorët e SPAK-ut, duke ditur se pjesa më e madhe e anëtarëve kanë një të kaluar të errët, apo kanë ngecur në Vetting.

Thënë më qartë, sekretet përbëjnë më rrezik në duar të KLP-së, se sa në duar të mediave.

Për më tepër nuk dihet, nëse anëtarët e KLP-së, kanë certifikatë sigurie. Në këto kushte, t’ iu besohen të dhëna të rëndësishme të punës së prokurorëve, të tillë anëtarëve është e rrezikshme.

Kreu i KLP, Gent Ibrahimi, pas intervistës është përpjekur të iluminojë mediat, në lidhje mungesën e transparencës.

Sipas tij në errësirë kandidatët janë më mirë dhe më të lirë.

KLP romantike, nuk është se shohim dhe dëgjojmë çdo ditë, por mirë të paktën që nuk ua bën të frikshme errësirën kandidatëve.

?Intervistat janë regjistruar në audio dhe video, sepse ndonjëri kandidat mund të ankimojë vendimin tonë. KLP është e prirur të jetë e hapur. Ajo çka ndodhi sot, në intervista, ishte pjesë e një procesi administrativ, dedikuar shqyrtimit të kandidatëve. Sot konfirmuam gjetjet paraprake të komisionit. Kur të kemi gati relacionet për çdo kandidat, regjistrimet do bëhen në formë publike. Ne duam të marrim më të mirën e kandidatëve, meraku ynë ishte që po të bëhej publik procesi i intervistimit, kandidatët nuk do të ishin të lirë. Morëm një mendim për vështirësitë që kanë hasur ndaj proceseve gjyqësore”, ka thënë Ibrahimi.
Mirëpo, Ibrahimi, nuk thotë asnjë fjalë për anëtarët e kontestuar të KLP, të cilën ai e drejton.

Vetë kryetari i KLP-së, Gent Ibrahimi është zgjedhur në mënyrë të dyshimtë në këtë këshill, për shkak të lidhjeve që ai ka me Rilindjen, ndonëse ai e mohon.
Edhe nënkryetari i KLP, Alfred Balla është zgjedhur në KLP pa plotësuar kriteret ligjore. Ka qenë ONM që ka dhënë alarmin, mirëpo askush nuk e ka pyetur.
Vëzhguesit ndërkombëtarë kanë konstatuar se Balla nuk ka qenë i angazhuar në 5 vitet e fundit në shoqërinë civile.

Në KLP ka anëtarë që kanë zbritur nga sigurimi i shtetit dhe ata vendosin për fatin e prokurorëve. Ky është skandal më vete.

Bujar Sheshi dhe Nurihan Seiti, janë dy anëtarët e tjerë e KLP-së, që sipas Autoritetit të Dosjeve kanë qenë pjesë e ish sigurimit të shtetit.

Tre anëtarë të tjerë nga radhët e prokurorëve, Getjan Osmani, Arben Dollapaj, Besnik Cani nuk kanë kaluar ende Vettingun.

Operacioni Ndërkombëtar i Monitorimit ka kundërshtuar konfirmimin në detyrë të anëtarëve Gentian Osmani, prokuror i Krimeve të Rënda dhe Besnik Cani, prokuror në Tiranë.

Anëtari tjetër Vatë Staka e ka kaluar Vettingun me nivelin minimal të aftësive profesionale, ndërsa Tartar Bazaj, thuhet se nuk ka shkollën e mesme dhe ndaj tij ka padi për korrupsion.

Se si mund të zgjedhin këtë njerëz prokurorët e SPAK-ut, kur janë vetë të zhytur në skandale, le ta gjykojë opinioni publik.
Kjo është fatkeqësi për drejtësisën po e po, por edhe për prokurorët kandidatë për SPAK, që kanë rënë në duart e gabuara./CNA.al