E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Veliaj përfshihet në skandal/ I akuzuari si “vrasësi” i Ardit Gjoklajt, pa diplomë?

3 Korrik 2019, 09:39, Aktualitet CNA

Veliaj përfshihet në skandal/ I akuzuari si “vrasësi” Erion Veliaj, prej 4 vitesh në krye të bashkisë së Tiranës, është përfshirë në një sërë skandalesh, ku më të rënda nga të gjitha janë akuzat për “vrasjen” e Ardit Gjoklajt, 17-vjeçari që humbi jetën në landfillin e Sharrës, duke punuar për copën e bukës.

Kryebashkiaku, dyshohet se është personi që ka ndikuar për të manipuluar dosjen hetimore, pasi në atë kohë Veliaj është fotografuar në një nga lokalet e Tiranës, me ish-kryeprokurorin e Tiranës, Petrit Fusha.

Më pas firma “Fusha” mori edhe disa tendera nga Bashkia e Tiranës.

Erion Veliaj në katër vite në krye të Bashkisë së Tiranës, më shumë sesa punë, siç pretendon se po bën, në fakt bën propagandë dhe asgjë më tepër se kaq. Erion Veliaj ka kapur shumicën e mediat në vend, shpërndan kaseta të regjistruaram ndërkohë që vetë mund të jetë me pushime, e ndërkohë shqiptarëve iu hedh hi syve duke i shitur si “djali punëtor” i Tiranës.

Për më tepër, Erion Veliaj, dyshohet se është një kryebashkiak të pashkolluar, i cili ka gënjyer hapur, pavarësisht se s’ka diplomë.

Skandali është publikuar së pari nga ish-zv.ministri i Arsimit, Taulant Muka, sipas të cilit Veliaj nuk ka diplomë të shkollës së lartë.

Nisur nga ky denoncim, CNA.al, me datë me datë 03.06.2019, i ka dërguar një kërkesë me shkrim, kryebashkiakut Erion Veliaj për të mësuar më shumë rreth shkollimit të tij, sigurisht për të qenë profesional dhe transparent me publikun, por kur kanë kaluar një muaj, ende nuk kemi marrë përgjigje prej tij.

Në lidhje me këto akuza, Veliaj ka bërë vetëm një reagim në rrjetet sociale, i cili sërish është komentuar nga Taulant Muka, sipas të cilit në atë që Veliaj e quan diplomë, duket se mungojnë elementët e sigurisë.

“Dy diploma të lëshuara në të njëjtën ditë nga Universiteti i Sussex. Diploma e Veliaj pa vulë”, akuzonte ish zv.ministri i Arsimit në qeverinë e Ramës.

Diploma e masterit ka disa vula të pakopjueshme, kurse ajo e kryebashkiakut nuk ka asnjë lloj vule. Mungon vula e bardhë e shtypur me formën e emblemës së Universitetit, që ngjan me vulën noteriale./ CNA.al