web counter
LEXO PA REKLAMA!

SHKARKO APP

App Store
Google Play

E fundit!

x

“Të vret natën dhe të qan ditën”/ Bamirësi Erion Veliaj, i "përlyer me gjakun" e Ardit Gjoklajt

28 Maj 2019, 08:53, Aktualitet CNA

Kryebashkiaku i Tiranës, Erion Veliaj nuk lë rast pa dalë nëpër media të trumbetojë fort, punët e mëdha që pretendon se bën në krye të Bashkisë së Tiranës.

Sikurse i shkon për shtat Erion Veliajt, nuk mund të linte pa shfrytëzuar edhe varfërinë e një fëmije për të dalë në televizor e për të reklamuar veten, këtë radhë jo si ?djali punëtor?, por si bamirës.

Mbrëmjen e djeshme, i vetëpagëzuari me emrin Lali Eri u shfaq në ekranin e TV Klan, si një bamirës. Erion Veliaj ishte një ndër kontribuesit, që ?Taramelja? e emisionit Piter Pan, më në fund të realizonte ëndrrën e tij për të pasur një strehë, një shtëpi ku të fusë kokën.

Përtej dramës që përcjell një ngjarje e tillë, ku shqiptarët vuajnë për gjërat më minimale, del në pah edhe falsiteti dhe hipokrizia e Erion Veliajt.

Erion Veliaj duket se është nga ata që të ?vret? natën dhe të qan ditën.

Shumë mirë që bëri të lumtur një fëmijë, të gjithë fëmijët meritojnë të jenë të lumtur, por këtë e meritonte edhe Ardit Gjoklaj, 17-vjeçari i cili humbi jetën në landfillin e Sharrës, në 7 gusht 2016, ku një ekskavator e shkeli për vdekje.

Ai ishte punësuar në impiantin e seleksionimit të mbetjeve të kompanisë ?3R? shpk në Sharrë, me shpresën se do të mblidhte paratë e nevojshme për të blerë librat e shkollës.

Vendi i punës ishte reklamuar i sigurtë nga ?lali Eri?, por 17 vjeçari dha frymën e fundit, i masakruar në këtë impiant.

Por, nuk mbaron me kaq. Përtej faktit se Bashkia e Tiranë, e drejtuar nga Erion Veliaj asnjëherë nuk mbajti përgjegjësi për këtë ngjarje, së fundi Ardit Gjoklaj është ?vrarë? sërish.

Ndërsa, sot, tre vite pas vdekjes së 17-vjeçarit ende nuk ka një fajtor dhe familjarët presin drejtësi, Ardit Gjoklaj është emri që akuzon kryebashkiakun e Tiranës, Erion Veliaj si ?vrasës?.

Së pari sepse e mohoi dhe së dyti sepse dyshohet se përdori drejtësinë për të manipuluar ngjarjen.

Instituti i Mjekësisë Ligjore në 2016-ën, dorëzoi në Prokurori autopsinë përfundimtare në lidhje me vdekjen e 17-vjeçarit Ardit Gjoklaj, në landfillin e Sharrës.

Ekspertiza mjekoligjore, e administruar si provë në dosje, konfirmonte vrasjen e të riut me fadromë, por tashmë Gjykata ka arritur në përfundimin se ai është vrarë jashtë landifillit të Sharrës.
Kjo të çon në dyshime të forta, se mund të jetë vetë Erion Veliaj, i cili shkatërroi provat në vendin e ngjarjes.

Erion Veliaj kërkon që ta mohojë atë që ka ndodhur, ashtu siç u mundua ta fshihte, ashtu siç u hakmor ndaj gazetarëve që zbuluan dhe zbardhën të vërtetën.

Është Erion Veliaj, i cili u fotografua duke drekuar së bashku në një nga restorantet e kryeqytetit me prokurorin e Tiranës, në atë kohë, Petrit Fusha, gjë që të çon në dyshime se u përdor për të manipuluar dosjen e Ardit Gjoklajt.

Për më tepër, Petrit Fusha mori edhe tendera miliona euro nga Bashkia e Tiranës.

Erion Veliaj nuk është një bamirës sikurse po tenton të shfaqet para opinionit publik. Ai është ?vrasësi? i Ardit Gjoklajt.

Si një ?vrasës? gjakftohtë, Erion Veliajt nuk i bën përshtypje humbja e jetës së një fëmije që punonte për kafshatën e gojës, por e ?vret? për të tretën herë. E mohoi kur humbi jetën, i fshehu ngjarjen dhe sot po i mbyll dosjen për të thënë se është vrarë jashtë ambienteve, të cilat administroheshin nga Bashkia e Tiranës, e drejtuar nga Erion Veliaj./ CNA.al

“Duart me gjakun” e Ardit Gjoklajt/ Si tenton Veliaj të mbulojë skandalet e tij?

Milioneri që “vrau” Ardit Gjoklajn/ Erion Veliaj, nga skandalet tek pasuria

Nga vrasja e Ardit Gjoklajt, te kullat dhe korrupsioni/ Veliaj feston hajdutërinë

Petrit Fusha “vrau” Ardit Gjoklajn në bashkëpunim me Veliajn/ “Peshku i madh” drejt prangave

Një ?vrasës? pa pagesë, në krye të Bashkisë së Tiranës

Vendimi skandaloz për Gjoklajn/ Ilirjan Blloshmi “kryqëzon” gjyqtarët

Skandali me dosjen e ?Ardit Gjoklajt?/ Prokurori deklaron ?fajtor? viktimën





Lajmet e fundit nga